പ്രളയത്തില്‍ ടാറിംഗ് തകര്‍ന്ന മുണ്ടക്കയം കോസ് വേ പാലത്തിലൂടെയുള്ള യാത്ര ദുഷ്ക്കരമാകുന്നു

സ്വന്തം ലേഖകൻ മുണ്ടക്കയം: പ്രളയത്തില്‍ ടാറിംഗ് തകര്‍ന്ന കോസ് വേ പാലത്തില്‍ യാത്ര ദുഷ്ക്കരമാകുന്നു. പാലത്തിന്റെ പല സ്ഥലങ്ങളിലായി കോണ്‍ക്രീറ്റിന് മുകളിലുള്ള ടാറിംഗാണ് തകര്‍ന്ന് കിടക്കുന്നത്. മഴ പെയ്താല്‍ വെള്ളക്കെട്ടും പതിവായി. വാഹനങ്ങള്‍ കുഴിയില്‍ ചാടാതിരിക്കാന്‍ വേഗത്തില്‍ എത്തി ബ്രേക്ക് ഇടുന്നത് അപകടങ്ങള്‍ക്ക് കാരണമാകുന്നുണ്ട്. അതോടൊപ്പം പാലത്തിലൂടെ വാഹനങ്ങള്‍ വേഗത കുറച്ച്‌ പോകുന്നതിനാല്‍ കോസ്‌വേ കവലയിലും, കോരുത്തോട് മുളങ്കയം റോഡിലും ഗതാഗത കുരുക്കും രൂക്ഷമാണ്. പാലത്തിന്റെ സുരക്ഷ കണക്കിലെടുത്ത് എതയും വേഗം ടാറിംഗ് നടത്തണമെന്ന് നാട്ടുകാര്‍ ആവശ്യപ്പെട്ടു.