കെ.എസ്.ഇ.ബിയില്‍ അനധികൃത നിയമനം; ഗുരുതരമായ അച്ചടക്കലംഘനവും കൃത്യവിലോപവും നടത്തി; പള്ളിക്കത്തോട് അസിസ്റ്റന്റ് എൻജിനീയര്‍ ഒന്നരലക്ഷം രൂപ നഷ്ടപരിഹാരം നല്‍കണമെന്ന് ചെയര്‍മാന്റെ ഉത്തരവ്

പാലാ: കെ.എസ്.ഇ.ബി.യില്‍ അനധികൃത നിയമനം. അസിസ്റ്റന്റ് എൻജിനീയര്‍ ഒന്നരലക്ഷം രൂപ നഷ്ടപരിഹാരം നല്‍കണമെന്ന് കെ.എസ്.ഇ.ബി. ചെയര്‍മാന്റെ ഉത്തരവ്. അസിസ്റ്റന്റ് എൻജിനീയര്‍ ഗുരുതരമായ അച്ചടക്കലംഘനവും കൃത്യവിലോപവും നടത്തിയതായി ചെയര്‍മാൻ കുറ്റപത്രവും നല്‍കിയിട്ടുണ്ട്. കെ.എസ്.ഇ.ബി. പള്ളിക്കത്തോട് ഇലക്‌ട്രിക്കല്‍ സെക്ഷനിലെ അസിസ്റ്റന്റ് എൻജിനീയര്‍ വി.കെ. സന്തോഷിനാണ് കുറ്റപത്രവും പിഴയടയ്ക്കാനുള്ള നോട്ടീസും നല്‍കിയിട്ടുള്ളത്. പള്ളിക്കത്തോട് ഇലകട്രിക്കല്‍ സെക്ഷനില്‍ സീനിയര്‍ അസിസ്റ്റന്റായി ഒരാളെ കരാര്‍ അടിസ്ഥാനത്തില്‍ നിയമിച്ചതിനെതിരെയാണ് ഇപ്പോള്‍ ബോര്‍ഡ് വിശദീകരണം തേടിയിട്ടുള്ളത്. ഇത് സംബന്ധിച്ച്‌ മുൻപ് വിജിലൻസും അന്വേഷണം നടത്തിയിരുന്നു. പള്ളിക്കത്തോട് ഇലക്‌ട്രിക്കല്‍ സെക്ഷനില്‍ സീനിയര്‍ അസിസ്റ്റന്റിന്റെ ഒഴിവ് നിലവില്‍ […]

മക്കൾ മാതാപിതാക്കളെ സംരക്ഷിക്കുന്നില്ലെന്ന് പരാതി; സ്വത്തുക്കൾ മാതാപിതാക്കള്‍ക്ക് തന്നെ തിരികെ നല്‍കാന്‍ പാലാ ആര്‍ഡിഒ ഉത്തരവ്

പാലാ: മാതാപിതാക്കളെ സംരക്ഷിക്കുന്നില്ലെന്ന പരാതിയില്‍ മാതാപിതാക്കളെ സംരക്ഷിക്കാനും ജീവനാംശം നല്‍കാനും സംരക്ഷിക്കാന്‍ തയാറാവാത്ത ആളില്‍നിന്ന് ആധാരം തിരികെ എഴുതി നല്‍കാന്‍ നടപടി സ്വീകരിക്കാനും മാതാപിതാക്കളുടെയും മുതിര്‍ന്ന പൗരന്മാരുടെയും സംരക്ഷണത്തിനുള്ള മെയിന്‍റനന്‍സ് ട്രൈബ്യൂണല്‍ പ്രിസൈഡിംഗ് ഓഫീസറും പാലാ ആര്‍ഡിഒയുമായ പി.ജി. രാജേന്ദ്രബാബുവിന്‍റെ ഉത്തരവ്. പാലാ മെയിന്‍റനന്‍സ് ട്രൈബ്യൂണലിന്‍റെയും സാമൂഹിക നീതിവകുപ്പിന്‍റെയും ആഭിമുഖ്യത്തില്‍ കഴിഞ്ഞ ദിവസം നടന്ന അദാലത്തില്‍ ലഭിച്ച 20 പരാതികളില്‍ 11 എണ്ണത്തിലാണ് മാതാപിതാക്കളുടെയും മുതിര്‍ന്ന പൗരന്മാരുടെയും ക്ഷേമവും സംരക്ഷണവും 2007 നിയമ പ്രകാരം ആര്‍ഡിഒ ഉത്തരവ് പുറപ്പെടുവിച്ചത്. ഇതില്‍ മാതാപിതാക്കളെ സംരക്ഷിക്കാന്‍ തയാറാവുന്നില്ലെന്ന […]

നാല്പതോളം പേര്‍ കുടിക്കാനും കുളിക്കാനും ഉപയോഗിക്കുന്ന കിണർ; ഭരണങ്ങാനത്ത് കിണറ്റില്‍ വിഷം കലക്കിയ സംഭവത്തിൽ പൊലീസ് കേസെടുത്തു

പാലാ: ഭരണങ്ങാനം പഞ്ചായത്തിലെ മൂന്നാം വാര്‍ഡായ ആലമറ്റത്തെ കുന്നിൻമുകളിലുള്ള കിണറ്റില്‍ വിഷം കലര്‍ത്തിയ സംഭവത്തില്‍ പാലാ പൊലീസ് കേസെടുത്തു. പഞ്ചായത്ത് മെമ്ബര്‍ എൻ.എം.ബിജുവിന്റെ പരാതിയിലാണ് കേസെടുത്തത്. അഞ്ച് വീട്ടുകാരുടെ കുടിവെള്ളം മുട്ടിച്ച്‌ ആണ് കിണറ്റില്‍ വിഷം കലക്കിയത്. ഭരണങ്ങാനം പഞ്ചായത്ത് പ്രസിഡന്റ് ലിസമ്മ സെബാസ്റ്റ്യൻ, വൈസ് പ്രസിഡന്റ് വിനോദ് ചെറിയാൻ വേരനാനി, പഞ്ചായത്ത് മെമ്ബര്‍ എൻ.എം. ബിജു എന്നിവര്‍ ഇന്നലെ സ്ഥലം സന്ദര്‍ശിച്ചു. നാല്പതോളം പേര്‍ കുടിക്കാനും കുളിക്കാനും ഉപയോഗിക്കുന്ന വെള്ളത്തില്‍ വിഷം കലര്‍ത്തിയ കുറ്റവാളികളെ എത്രയുംവേഗം പിടികൂടണമെന്ന് പഞ്ചായത്ത് പ്രസിഡന്റും വൈസ് പ്രസിഡന്റും […]

പാലാ ജൂബിലി തിരുനാൾ; പാലാ ടൗണിൽ നാളെ ഏർപ്പെടുത്തുന്ന ഗതാഗത നിയന്ത്രണങ്ങൾ ഇങ്ങനെ….

പാലാ: പാലാ ജൂബിലി തിരുന്നാളിനോടനുബന്ധിച്ച് പാലാ ടൗണിൽ ഗതാഗത നിയന്ത്രണം ഏർപ്പെടുത്തുന്നു. നാളെ(08.12.23) രാവിലെ 10 മണി മുതലാണ് നിയന്ത്രണം ഏർപ്പെടുത്തുന്നത്. കോട്ടയം ഭാഗത്തുനിന്നും പാലാ ഭാഗത്തേക്ക് വരുന്ന എല്ലാ വാഹനങ്ങളും പുലിയന്നൂർ അമ്പലം ജംഗ്ഷനിൽ നിന്നും തിരിഞ്ഞ് RV ജംഗ്ഷനിലെത്തി ബൈപ്പാസ് റോഡുവഴി സിവിൽസ്റ്റേഷൻ, കിഴതടിയൂർ ജംഗ്ഷൻ വഴി ടൗണിലെത്തണം ഈരാറ്റുപേട്ടയിൽ നിന്നും വരുന്ന വാഹനങ്ങൾ മഹാറാണി ജംഗ്ഷൻ, കിഴതടിയൂർ ജംഗ്ഷൻ വഴി ബൈപ്പാസിലൂടെയും പൊൻകുന്നം ഭാഗത്തുനിന്നും വരുന്ന വാഹനങ്ങൾ 12 –ം മൈലിൽ നിന്നും കടപ്പാട്ടൂർ ബൈപ്പാസ് വഴിയും യാത്ര ചെയ്യേണ്ടതാണ്. […]

കോട്ടയം കുമാരനല്ലൂരില്‍ അമ്മയോടൊപ്പം റെയിൽപാളം മുറിച്ചുകടക്കുന്നതിനിടെ അപകടം: ട്രെയിനിടിച്ച് മരിച്ച പാലാ സ്വദേശിനിയുടെ സംസ്കാരം ഇന്ന്

കോട്ടയം: കുമാരനല്ലൂര്‍ ക്ഷേത്രത്തില്‍ ദര്‍ശനം കഴിഞ്ഞു മടങ്ങിയ വീട്ടമ്മ ട്രെയിനിടിച്ചു മരിച്ചു. പാലാ മുത്തോലി വെള്ളിയേപ്പള്ളി ചെമ്പകത്തിങ്കല്‍ സ്‌മിത അനില്‍ (42) ആണു മരണമടഞ്ഞത്‌. കുമാരനല്ലൂരില്‍ അമ്മയോടൊപ്പം പാളം മുറിച്ചുകടക്കുന്നതിനിടെയാണ്‌ അപകടം. മൃതദേഹം കോട്ടയം മെഡിക്കല്‍ കോളജ്‌ ആശുപത്രി മോര്‍ച്ചറിയില്‍. നീണ്ടൂര്‍ പ്രാവട്ടം ചെറുമുട്ടത്തുകളപ്പുരയില്‍ കുടുംബാംഗമാണ്‌ സ്‌മിത. ഭര്‍ത്താവ്‌ അനില്‍ (ഗ്രാന്റ്‌ ഹോട്ടല്‍ ഗ്രൂപ്പ്‌ കമ്ബനി). മക്കള്‍: അമൃത (നഴ്‌സിങ്‌ വിദ്യാര്‍ഥി, മാണ്ഡ്യ), ആദിത്യന്‍ (എട്ടാം ക്ലാസ്‌ വിദ്യാര്‍ഥി, പാലാ സെന്റ്‌ തോമസ്‌ എച്ച്‌.എസ്‌.എസ്‌). സംസ്‌കാരം ഇന്നു രാവിലെ 11നു വീട്ടുവളപ്പില്‍.

പാലാ നഗരത്തിന് ഉത്സവച്ഛായയേകിയ റവന്യൂ ജില്ലാ കലോത്സവത്തിന് ഇന്ന് കൊട്ടിക്കലാശം; 660 പോയിന്റുമായി കോട്ടയം ഈസ്റ്റ് മുന്നിൽ

പാലാ: പാലാ നഗരത്തിന് നാലുനാള്‍ ഉത്സവച്ഛായയേകി റവന്യൂ ജില്ലാ കലോത്സവത്തിന് ഇന്ന് കൊട്ടിക്കലാശം. ഉപജില്ലാ തലത്തില്‍ 660 പോയിന്റുമായി കോട്ടയം ഈസ്റ്റിനാണ് ഒന്നാം സ്ഥാനം. 627 പോയിന്റുമായി ചങ്ങനാശേരിയും, 615പോയിന്റുമായി കുറവിലങ്ങാടും തൊട്ടുപിന്നിലുണ്ട്. സ്കൂള്‍ തലത്തില്‍ എതിരാളികളെ ബഹുദൂരം പിന്നിലാക്കി 246 പോയിന്റുമായി ളാക്കാട്ടൂര്‍ എം.ജി.എം എൻ.എസ്.എസ് ജൈത്രയാത്ര തുടരുകയാണ്. തുടര്‍ച്ചയായി 21 വര്‍ഷവും ളാക്കാട്ടൂരായിരുന്നു ചാമ്പ്യന്മാര്‍. 171 പോയിന്റുമായി കോട്ടയം മൗണ്ട് കാര്‍മ്മല്‍ എച്ച്‌.എസ്.എസ് രണ്ടാമതും, 158 പോയിന്റുമായി ഈരാറ്റുപേട്ട മുസ്ലിം ഗേള്‍സ് മൂന്നാമതുമാണ്. ഇതുവരെ 80 ഓളം അപ്പീലുകളാണ്. സമാപന സമ്മേളനം […]

പാലായിൽ തോട്ടിൽ വീണ് വിദ്യാർത്ഥിനി മരിച്ച സംഭവം; ഹെലൻ അലക്‌സിന്റെ ഭൗതീക ശരീരം ഇന്ന് രാവിലെ ഒൻപതിന് ഭരണങ്ങാനം സ്‌കൂളിൽ പൊതുദർശനത്തിന് വെയ്ക്കും; സംസ്ക്കാരം ഉച്ചകഴിഞ്ഞ് മൂന്നിന്

കോട്ടയം :ഭരണങ്ങാനം സ്ക്കൂളിലെ എട്ടാം ക്ലാസ് വിദ്യാർത്ഥിനിയായ ഹെലൻ അലക്‌സിന്റെ ഭൗതീക ശരീരം ഭരണങ്ങാനം ഹൈസ്‌കൂളിൽ ഇന്ന് രാവിലെ 9 ന് പൊതുദർശനത്തിനു വയ്ക്കും. ഇന്നലെ രാത്രിയോടെയോടെയാണ് പോസ്റ്റ്മോർട്ടം നടപടികൾ പൂർത്തിയാക്കിയത്. തുടർന്ന് ബന്ധുക്കളും പൊതുപ്രവർത്തകരും ചേർന്ന് ഭൗതീക ശരീരം ഏറ്റുവാങ്ങി പാലാ മരിയൻ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. ഇന്ന് രാവിലെ എട്ടരയോടെ ഭൗതീക ശരീരം വിലാപയാത്രയായി ഭരണങ്ങാനം സ്‌കൂളിൽ പ്രത്യേകം തയ്യാർ ചെയ്ത പന്തലിൽ പൊതുദർശനത്തിനു വയ്ക്കുന്നതാണ്. വിദ്യാർത്ഥികളും നാട്ടുകാരും ആദരാഞ്ജലികൾ അർപ്പിക്കും. തുടർന്ന് വസതിയിലേക്ക് കൊണ്ടുപോകും . ഉച്ചകഴിഞ്ഞു 3 ന് […]

പാലായില്‍ വിദ്യാര്‍ത്ഥിനിയെ തോട്ടില്‍ വീണ് കാണാതായി; കുട്ടി തോട്ടില്‍ വീണത് കനത്ത മഴയിൽ വെള്ളം റോഡില്‍ കയറിയതോടെ; രക്ഷാപ്രവര്‍ത്തനം തുടരുന്നു

കോട്ടയം: ഭരണങ്ങാനത്ത് സ്കൂള്‍ കുട്ടിയെ തോട്ടില്‍ വീണ് കാണാതായി. ഭരണങ്ങാനം ചിറ്റാനപ്പാറ സ്വദേശി പൊരിയത്ത് സിബിച്ചന്‍റെ മകള്‍ മരിയയെ ആണ് കാണാതായത്. ചിറ്റാനപ്പാറയിലാണ് സംഭവം. പാലാ ഫയര്‍ഫോഴ്‌സും പോലീസും ഈരാറ്റുപേട്ടയിലെ സന്നദ്ധപ്രവര്‍ത്തകരും സ്ഥലത്തെത്തി രക്ഷാപ്രവര്‍ത്തനം നടത്തുകയാണ്. ഇന്ന് വൈകുന്നേരം പെയ്ത കനത്ത മഴയ്ക്ക് പിന്നാലെയാണ് പെണ്‍കുട്ടി ഇടപ്പാടി അയ്യമ്ബാറ കുന്നേമുറി തോട്ടില്‍ പെണ്‍കുട്ടി വീണത്. സ്കൂള്‍ വിട്ടു വൈകിട്ട് 4.45 ഓടെ ഓട്ടോറിക്ഷയില്‍ വന്നിറങ്ങിയ രണ്ടു കുട്ടികള്‍ തോട്ടിലെ വെള്ളം റോഡില്‍ കയറിയതോടെ ഒഴുക്കില്‍പ്പെടുകയായിരുന്നു. ആ സമയം ഇതുവഴി കടന്നു പോയ സ്കൂള്‍ ബസിലെ […]

വസ്‌തു കൈമാറ്റവുമായി ബന്ധപ്പെട്ട് വാക്കുതര്‍ക്കം; കോട്ടയം പാലായിൽ മകനെ കുത്തിപ്പരിക്കേല്‍പ്പിച്ച അച്ഛനെ മരിച്ച നിലയില്‍ കണ്ടെത്തി

കോട്ടയം: മകനെ കുത്തി പരിക്കേല്‍പ്പിച്ച അച്‌ഛനെ മരിച്ച നിലയില്‍ കണ്ടെത്തി. പാലാ വള്ളിച്ചിറയ്ക്ക് സമീപം താമസിക്കുന്ന വെട്ടുകാട്ടില്‍ ചെല്ലപ്പൻ (74) ആണ് മരിച്ചത്. വസ്‌തു കൈമാറ്റവുമായി ബന്ധപ്പെട്ട് ചെല്ലപ്പനും മകനും തമ്മില്‍ വാക്കുതര്‍ക്കം നടന്നിരുന്നു. തര്‍ക്കത്തിനിടെ ചെല്ലപ്പൻ കത്തി ഉപയോഗിച്ച്‌ ശ്രീജിത്തിനെ കുത്തി പരിക്കേല്‍പ്പിച്ചു. ആക്രമണത്തില്‍ ശ്രീജിത്തിന് മുഖത്താണ് പരിക്കേറ്റത്. പരിക്കേറ്റ ശ്രീജിത്തിനെ നാട്ടുകാര്‍ ചേര്‍ന്നാണ് ആശുപത്രിയിലേയ്ക്ക് മാറ്റിയത്. മകനെ ആശുപത്രിയിലേയ്ക്ക് കൊണ്ടുപോയ സമയത്താണ് ചെല്ലപ്പന്‍റെ മരണം. തന്‍റെ പഴയ വീടിനോട് ചേര്‍ന്നാണ് ചെല്ലപ്പന്‍റെ മൃതദേഹം കണ്ടെത്തിയത്. ചെല്ലപ്പന് മാനസികാസ്വാസ്ഥ്യം ഉണ്ടായിരുന്നതായാണ് വിവരം. പാലാ […]

പാലായിലെ വ്യാപാര സ്ഥാപനത്തിൽ നിന്നും ഓൺലൈൻ തട്ടിപ്പിലൂടെ 35 ലക്ഷം രൂപ തട്ടി; അഞ്ച് യു.പി സ്വദേശികൾ അറസ്റ്റിൽ

പാലാ: പ്രമുഖ വ്യാപാരസ്ഥാപനത്തിൽ നിന്നും ഓൺലൈൻ തട്ടിപ്പിലൂടെ 35 ലക്ഷം രൂപ തട്ടിയെടുത്ത കേസിൽ ഉത്തർപ്രദേശ് സ്വദേശികളായ അഞ്ചുപേർ പോലീസിന്റെ പിടിയിലായി. യു.പി ഔറാദത്ത് സന്ത്കബിർ നഗർ സ്വദേശികളായ സങ്കം (19), ദീപക് (23), അമർനാഥ് (19), അമിത് (21), അതീഷ് (20) എന്നിവരാണ് പ്രത്യേക അന്വേഷണ സംഘത്തിന്റെ പിടിയിലായത്. 2023 ജനുവരി 31- ന് പാലായിലെ പ്രമുഖ വ്യാപാര സ്ഥാപനത്തിൽ നിന്നും ഇവര്‍ ഓൺലൈൻ തട്ടിപ്പിലൂടെ 35 ലക്ഷം രൂപ തട്ടിയെടുക്കുകയായിരുന്നു. സ്ഥാപനത്തിലെ എം.ഡിയുടെ വാട്സ്ആപ്പ് മുഖചിത്രം ഉപയോഗിച്ച്, വ്യാജ വാട്സ്ആപ്പ് മുഖാന്തിരം […]