കട്ടവനെ കിട്ടിയില്ല, പകരം കിട്ടിയവനെ കള്ളനാക്കി പൊലീസ്: പൊലീസിന്റെ ഭീഷണിയിൽ രാജേഷ് ഭയന്നു: ആറു ദിവസം ജയിലിൽ കിടന്ന രാജേഷ് ഒടുവിൽ വീഡിയോയിൽ സത്യം വിളിച്ചു പറഞ്ഞ് ജീവനൊടുക്കി; പൊലീസിന്റെ ഗുണ്ടായിസത്തിൽ തകർന്നത് ഒരു കുടുംബത്തിന്റെ അത്താണി; മൃതദേഹവുമായി നാട്ടുകാർ നടത്തിയ സമരത്തിനൊടുവിൽ രാജേഷിന്റെ നിരപരാധിത്വം തെളിയുമെന്ന് ഉറപ്പായി
തേർഡ് ഐ ബ്യൂറോ കോട്ടയം: പൊലീസിന്റെ ഗുണ്ടായിസവും മർദനവും ഒരു കുടുംബത്തിന്റെ അത്താണിയായിരുന്ന യുവാവിന്റെ ജീവിതം തന്നെ തകർത്ത് കളയുന്ന കാഴ്ചയാണ് ഇന്ന് കോട്ടയം കാണുന്നത്. കട്ടവനെ കിട്ടിയില്ലെങ്കിൽ കിട്ടിയവരെ കള്ളനാക്കുന്ന രീതിയിലാണ് കടനാട് സ്വദേശിയായ രാജേഷിന്റെയും കുടുംബത്തിന്റെയും ജീവിതം തന്നെ തകർത്ത് കളഞ്ഞത്. ഒടുവിൽ രാജേഷിന്റെ മൃതദേഹവുമായി നാട്ടുകാർ മണിക്കൂറുകളോളം റോഡിൽ ധർണ നടത്തിയതിനെ തുടർന്നാണ് കേസ് ഉന്നത പൊലീസ് ഉദ്യോഗസ്ഥർ അന്വേഷിക്കുമെന്നും, രാജേഷിന്റെ നിരപരാധിത്വം തെളിയിക്കുമെന്നും ഉറപ്പായത്. കടനാട് വല്യാത്ത് പനച്ചിക്കാലായിൽ രാജേഷിന്റെ മൃതദേഹവുമായാണ് നാട്ടുകാർ റോഡ് ഉപരോധിച്ച് സമരം നടത്തിയത്. […]