കോട്ടയം കുമരകത്ത് സഞ്ചയന കർമ്മത്തിൽ പങ്കെടുത്തു മടങ്ങുന്നതിനിടെ കാണാതായ ഗൃഹനാഥന്റെ മൃതദേഹം തോട്ടിൽ കണ്ടെത്തി
സ്വന്തം ലേഖകൻ കുമരകം : കോട്ടയം കുമരകത്ത് സഞ്ചയന കർമ്മത്തിൽ പങ്കെടുത്തു മടങ്ങുന്നതിനിടെ കാണാതായ ഗൃഹനാഥന്റെ മൃതദേഹം തോട്ടിൽ കണ്ടെത്തി. കുമരകം പതിനാറാം വാർഡിൽ തെക്കെ ആഞ്ഞിലി പറമ്പിൽ ജയകുമാർ (പാപ്പ -71 ) ആണ് മരിച്ചത്. സഞ്ചയന കർമ്മത്തിൽ പങ്കെടുത്ത് കുടുംബത്തോടൊപ്പം കഴിഞ്ഞ ദിവസം രാത്രി വീട്ടിലേക്ക് മടങ്ങുന്നതിനിടെ മാഞ്ചിറ പാലത്തിന് സമീപത്ത് വെച്ചായിരുന്നു ജയകുമാറിനെ കാണാതായത്. മാഞ്ചിറ പാലത്തിന്റെ നിർമ്മാണം നടക്കുന്നതിനാൽ പഴയ ജങ്കാറും തകിടുകളും ഉപയോഗിച്ച് തയ്യാറാക്കിയ താൽക്കാലിക നടപ്പാതയിലൂടെ സഞ്ചരിക്കുമ്പോൾ ജയകുമാർ വെള്ളത്തിൽ വീഴുകയായിരുന്നു എന്നാണ് പ്രാഥമിക നിഗമനം. […]