കോട്ടയം കുമരകത്ത് സഞ്ചയന കർമ്മത്തിൽ പങ്കെടുത്തു മടങ്ങുന്നതിനിടെ കാണാതായ ഗൃഹനാഥന്റെ മൃതദേഹം തോട്ടിൽ കണ്ടെത്തി
സ്വന്തം ലേഖകൻ
കുമരകം : കോട്ടയം കുമരകത്ത് സഞ്ചയന കർമ്മത്തിൽ പങ്കെടുത്തു മടങ്ങുന്നതിനിടെ കാണാതായ ഗൃഹനാഥന്റെ മൃതദേഹം തോട്ടിൽ കണ്ടെത്തി. കുമരകം പതിനാറാം വാർഡിൽ തെക്കെ ആഞ്ഞിലി പറമ്പിൽ ജയകുമാർ (പാപ്പ -71 ) ആണ് മരിച്ചത്.
സഞ്ചയന കർമ്മത്തിൽ പങ്കെടുത്ത് കുടുംബത്തോടൊപ്പം കഴിഞ്ഞ ദിവസം രാത്രി വീട്ടിലേക്ക് മടങ്ങുന്നതിനിടെ മാഞ്ചിറ പാലത്തിന് സമീപത്ത് വെച്ചായിരുന്നു ജയകുമാറിനെ കാണാതായത്.
Whatsapp Group 1 | Whatsapp Group 2 |Telegram Group
മാഞ്ചിറ പാലത്തിന്റെ നിർമ്മാണം നടക്കുന്നതിനാൽ പഴയ ജങ്കാറും തകിടുകളും ഉപയോഗിച്ച് തയ്യാറാക്കിയ താൽക്കാലിക നടപ്പാതയിലൂടെ സഞ്ചരിക്കുമ്പോൾ ജയകുമാർ വെള്ളത്തിൽ വീഴുകയായിരുന്നു എന്നാണ് പ്രാഥമിക നിഗമനം.
ചെരുപ്പ് വെള്ളത്തിൽ കിടക്കുന്നത് ശ്രദ്ധയിൽ പെട്ടതിനെ തുടർന്ന് നടത്തിയ തെരച്ചിലിലാണ് ജയകുമാറിനെ വെള്ളത്തിൽ നിന്ന് കണ്ടെത്തുന്നത്. ഉടൻ തന്നെ മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല.
ഭാര്യ ജയശ്രീ (മേരി) വേളൂർ അകംപാടത്ത് ചിറ കുടുംബാംഗമാണ്. മക്കൾ ശ്യാംകുമാർ , ഉദയ കുമാർ. മരുമക്കൾ വിനീത (തലയോലപറമ്പ്), ഷീജ ( പാണാവള്ളി ).