ഇത് ജന്മനാടിന്റെ കനിവ് ; ശസ്ത്രക്രിയയെത്തുടര്ന്ന് അണുബാധയുണ്ടായ യുവാവിന്റെ തുടര് ചികിത്സയ്ക്കായി ബിരിയാണി ചലഞ്ച് സംഘടിപ്പിച്ച് നേടിയത് അഞ്ചരലക്ഷം രൂപ !
സ്വന്തം ലേഖകൻ ഉദയനാപുരം: ശസ്ത്രക്രിയയെത്തുടര്ന്ന് അണുബാധയുണ്ടാവുകയും ആറുമാസമായി കോട്ടയം മെഡിക്കല് കോളജില് ചികിത്സയില് കഴിയുകയും ചെയ്യുന്ന നിര്ധന യുവാവിന്റെ ജീവൻ രക്ഷിക്കാൻ ധനസമാഹരണത്തിന് ജന്മനാട് ബിരിയാണി ചലഞ്ചിലൂടെ സ്വരുക്കൂട്ടിയത് അഞ്ചരലക്ഷം രൂപ. ഉദയനാപുരം ചെറിയ കൊച്ചിത്തറ ജോയിയുടെ മകൻ വിഷ്ണുദേവി (31)ന്റെ തുടര് ചികിത്സയ്ക്കാണ് നാടൊന്നാകെ ഒരുമിച്ചത്. പെയിന്റിംഗ് തൊഴിലാളിയായ വിഷ്ണുവിന്റെ തലച്ചോറില് വെള്ളക്കെട്ടിനെത്തുടര്ന്ന് ശസ്ത്രക്രിയ നടത്തി. പിന്നീട് അണുബാധയുണ്ടായതോടെ വിഷ്ണു മാസങ്ങളായി കോട്ടയം മെഡിക്കല് കോളജില് ന്യൂറോ സര്ജറി ഐസി യുവിലാണ്. നിര്ധന കുടുംബം ആഭരണം വിറ്റും കടം വാങ്ങിയും സുമനസുകളുടെ സഹായത്തിലുമാണ് […]