അതിരമ്പുഴയില്‍ വീണ്ടും ഗുണ്ടകളുടെ വിളയാട്ടം; വൃദ്ധനെ അടിച്ചുവീഴ്ത്തിയ സംഘം കള്ളുഷാപ്പിലും സംഘര്‍ഷമുണ്ടാക്കി
സ്വന്തം ലേഖിക ഏറ്റുമാനൂര്‍: ആഴ്ചകളുടെ ഇടവേളയ്ക്കുശേഷം അതിരമ്പുഴയില്‍ വീണ്ടും ഗുണ്ടകളുടെ വിളയാട്ടം. മണ്ണാര്‍കുന്നില്‍ പള്ളിയില്‍ പോയ വൃദ്ധനെ അടിച്ചുവീഴ്ത്തിയ സംഘം അതിരമ്പുഴ മുണ്ടുവേലിപ്പടിയ്ക്കു സമീപം കള്ളുഷാപ്പിലും സംഘര്‍ഷമുണ്ടാക്കി. ഞായറാഴ്ചയാണ് ഇരു സംഭവങ്ങളും ഉണ്ടായത്. മണ്ണാര്‍കുന്ന് സെന്‍റ് ഗ്രിഗോരിയോസ് പള്ളിയില്‍ തിരുനാള്‍ കര്‍മ്മങ്ങളില്‍ സംബന്ധിക്കാന്‍ എത്തിയ നാട്ടുവഴിപറമ്പില്‍ ഗ്രിഗോരിയോസി(കുഞ്ഞച്ചന്‍ – 68) നെയാണ് പള്ളിക്ക് സമീപം രണ്ടംഗ സംഘം ക്രൂരമായി മര്‍ദ്ദിച്ചത്. കുഞ്ഞച്ചന്‍റെ മുഖത്താണ് കാര്യമായി മര്‍ദ്ദനമേറ്റത്. കുഞ്ഞച്ചനെ മര്‍ദ്ദിക്കാന്‍ വരും വഴി അക്രമികള്‍ റോഡില്‍ വച്ച് കുഞ്ഞച്ചന്‍റെ മകനെ തടഞ്ഞു നിര്‍ത്തി കൈയേറ്റം ചെയ്തിരുന്നു. […]
