അവയവമാറ്റ ശസ്ത്രക്രിയ: രോഗികൾക്ക് സർക്കാർ സഹായം നൽകും: മുഖ്യമന്ത്രി
സ്വന്തം ലേഖകൻ കോട്ടയം: അവയവ മാറ്റിവയ്ക്കൽ ശസ്ത്രക്രിയയ്ക്കു വിധേയരാകുന്നവർക്കു തുടർന്നുണ്ടാകുന്ന സാമ്പത്തിക ബാധ്യത പരിഹരിക്കുന്നതിനു സർക്കാർ പിന്തുണ നൽകുന്ന പദ്ധതിയെക്കുറിച്ച് ആലോചിക്കുന്നതായി മുഖ്യമന്ത്രി പിണറായി വിജയൻ. മെഡിക്കൽ കോളജിൽ ആശുപത്രിയിൽ വിവിധ പദ്ധതികളുടെ ഉദ്ഘാടനം നിർവഹിക്കുകയായിരുന്നു അദ്ദേഹം. ഹൃദയം, കരൾ, വൃക്ക തുടങ്ങിയ അവയവങ്ങൾ മാറ്റിവയ്ക്കുന്നവർ തുടർ ചികിത്‌സയ്ക്കായി വൻ തോതിൽ പണം കണ്ടെത്തേണ്ട സാഹചര്യമാണു നിലവിലുള്ളത്. ഇവർക്കു ഏതു തരത്തിലുള്ള പിന്തുണ നൽകണമെന്ന കാര്യമാണു സർക്കാർ ആലോചിച്ചു വരുന്നത്. വൃക്ക മാറ്റിവയ്ക്കൽ ശസ്ത്രക്രിയയ്ക്കു സംസ്ഥാനത്തു ശരാശരി എട്ടു ലക്ഷം രൂപയാണു ചെലവു വരുന്നത്. […]
