ട്രെയിൻയാത്ര: നിലവിലെ രണ്ടുവരി റെയിൽപാതക്ക്​ സമാന്തരമായി മറ്റൊരുപാതകൂടി​ വേണം -പിണറായി വിജയൻ

ട്രെയിൻയാത്ര: നിലവിലെ രണ്ടുവരി റെയിൽപാതക്ക്​ സമാന്തരമായി മറ്റൊരുപാതകൂടി​ വേണം -പിണറായി വിജയൻ

സ്വന്തം ലേഖകൻ
കോട്ടയം:  സംസ്ഥാനത്തെ നിലവിലെ രണ്ടുവരി റെയിൽവേ പാതക്ക്​ സമാന്തരമായി മറ്റൊരുപാതകൂടി തീർക്കണമെന്ന്​ കേന്ദ്രസർക്കാറിനോട്​ ആവശ്യപ്പെടുമെന്ന്​ മുഖ്യമന്ത്രി പിണറായി വിജയൻ. കോട്ടയം തിരുനക്കര മൈതാനത്ത്​ സംസ്ഥാന സർക്കാറി​െൻറ രണ്ടാംവാർഷിക ആഘോഷങ്ങളുടെ ഭാഗമായി സംഘടിപ്പിച്ച സമ്മേളനം ഉദ്​ഘാടനം ചെയ്യുകയായിരുന്നു അദ്ദേഹം. കേരളത്തിൽ റെയിൽവേ യാത്ര വലിയപ്രശ്​നമാണ്​. നിലവിലെ രണ്ട്​  പാതക്ക്​ സമാന്തരമായി ഒാ​േരാ ലൈനുകൾ തീർത്ത്​ വേഗതയിൽ ട്രെയിൻ ഒാടിക്കാനാകും. അതിവേഗപാതയല്ല, മറിച്ച്​ ആവശ്യത്തിന്​ വേഗമുള്ള പാതയാണ്​ ആവശ്യപ്പെടുക. തിരുവനന്തപുരത്തുനിന്ന്​ എറണാകുളത്തേക്കും അവിടെനിന്ന്​ കാസർഗോഡേക്കും രണ്ടുമണിക്കൂർ വീതം ഒാടിയെത്താവുന്ന വേഗം മതി. ഇതിനുള്ള സൗകര്യം സംസ്ഥാന സർക്കാർ ഒരുക്കും. സംവരണം നടപ്പാക്കിപ്പോൾ മുഴുവൻ ആനുകൂല്യവും കി​േട്ടണ്ട വിഭാഗത്തിന്​ കി​ട്ടിയോയെന്ന പരിശോധന ആവശ്യാണ്​.  ഇത്​ പട്ടികജാതി-വർഗ പിന്നോക്കവിഭാഗങ്ങൾക്ക്​ ഏറെ ഗുണകരമാകും. അത്തരം പരിശോധയിൽ കുറവ്​ കണ്ടെത്തിയാൽ അത്​ നികത്തുന്നതിന്​ സർക്കാർ നടപടിയെടുക്കും. തീരദേശത്തെ മത്സ്യതൊഴിലാളികളുടെ പ്രശ്​നം പരിഹരിക്കാൻ 2000 കോടിയുടെ വികസനം നപ്പാക്കും. സർക്കാറി​െൻറ കാലയളവിൽ ഭവനമില്ലാത്ത അഞ്ചുലക്ഷം കുടുംബങ്ങൾക്ക്​ വീടുനിർമിച്ചുനൽകുകയെന്നതാണ്​ പ്രധാനം. നിക്ഷേപകർക്ക്​ തെറ്റിദ്ധാരണയുണ്ടാക്കുന്ന ചിലകാര്യങ്ങളും പ്രശ്​നമായിട്ടുണ്ട്​. അതിൽ പ്രധാനം ജോലിയെടുക്കാതെ കൂലിവാങ്ങുന്ന നോക്കുകൂലിയും വിവിധ സംഘടനകൾ ജോലിക്കെടുക്കണമെന്ന്​ പറഞ്ഞ്​ പ്രശ്​നമുണ്ടാക്കുന്നതും അവസാനിപ്പിക്കാനായി. നേരത്തെ വ്യവസായം നടത്താൻ അപേക്ഷ കൊടുത്തുപോയാൽ കുടുങ്ങുന്ന സ്ഥിതിയായിരുന്നു. ഇത്​ അവസാനിപ്പിക്കാൻ ഏഴ്​ നിയമങ്ങൾ  ചട്ടങ്ങളും ഒന്നിച്ച്​ ഭേദഗതിചെയ്​തു. അപേക്ഷയിൽ ബന്ധപ്പെട്ടവർ തീരുമാനമെടുക്കാൻ പരമാവധി 30ദിവസമാണ്​ അനുവദിച്ചിരിക്കുന്നത്​. 31നുശേഷം നടപടിയുണ്ടായില്ലെങ്കിൽ അംഗീകാരമായി കണക്കാക്കി വ്യവസായം തുടങ്ങാം. അതിവേഗ വികസനത്തിന്​ വലിയനിക്ഷേപകർ താൽപര്യം പ്രകടിപ്പിച്ച്​ എത്തുന്നുണ്ട്​.  നാടിനുപറ്റുന്ന എല്ലാത്തിനെയും സ്വീകരിക്കുകയും അല്ലാത്തതിനെ തള്ളുകയും ചെയ്യുമെന്നും അദ്ദേഹം പറഞ്ഞു.

Leave a Reply

Your email address will not be published.