‘കാലിലെ വെള്ളികൊലുസ് എത്ര പവൻ’? സ്ത്രീധനത്തെച്ചൊല്ലി ഭർത്തൃവീട്ടിൽ നിന്ന് നിരന്തര മാനസികപീഡനം, കല്ലടയാറ്റിലേക്കു ചാടി യുവതി ആത്മഹത്യ ചെയ്തതിന് പിന്നിൽ ഭർത്തൃവീട്ടുകാരെന്ന് യുവതിയുടെ ബന്ധുക്കൾ
സ്വന്തം ലേഖകൻ കുണ്ടറ: കടപുഴ പാലത്തിൽ നിന്ന് കല്ലടയാറ്റിലേക്കു ചാടിയ യുവതി മരിച്ചു. വ്യാഴാഴ്ച രാവിലെ പത്തരയോടെയാണ് സംഭവം. പവിത്രേശ്വരം ചെറുപൊയ്ക കല്ലുംമൂട് കുഴിവിളവീട്ടിൽ കൃഷ്ണകുമാറിന്റെയും ശശികലയുടെയും മകൾ രേവതി കൃഷ്ണൻ (23) ആണ് മരിച്ചത്. സ്ത്രീധനത്തെച്ചൊല്ലി ഭർത്തൃവീട്ടിൽ നിന്നുള്ള മാനസികപീഡനമാണ് ആത്മഹത്യക്കു പിന്നിലെന്ന് ബന്ധുക്കൾ ആരോപിക്കുന്നു. രേവതിയുടെ ഭർത്താവ് സൈജു വിദേശത്താണ്. കഴിഞ്ഞ ഓഗസ്റ്റ് 30-നായിരുന്നു സൈജുവിന്റെയും രേവതിയുടേയും വിവാഹം. സാമ്പത്തിക സ്ഥിതി കുറഞ്ഞ വീട്ടിലെ അംഗമായിരുന്നു രേവതി. കാലമായതിനാൽ നിർധന കുടുംബത്തിന് ആഭരണങ്ങൾ വാങ്ങുന്നതിനും മറ്റു ചെലവുകൾക്കും ആവശ്യമായ പണം സ്വരൂപിക്കാനായില്ല. […]