കെവിന്റെ മരണം; എ. എസ്. ഐയുടെ പങ്ക് വ്യക്തം, രണ്ട് പോലീസുകാർ കസ്റ്റഡിയിൽ.
ശ്രീകുമാർ കോട്ടയം: കെവിന്റെ മരണവുമായി ബന്ധപ്പെട്ട് ഗാന്ധിനഗർ എ. എസ്. ഐ ബിജുവിനെയും പൊലീസ് ജീപ്പ് ഡ്രൈവറെയും കസ്റ്റഡിയിലെടുത്തു. ഇരുവരേയും നേരത്തേ ഐ. ജി വിജയ് സാഖറെ സസ്പെന്റ് ചെയ്തിരുന്നു. സംഭവത്തിൽ ഐ. ജിയുടെ റിപ്പോർട്ട് പുറത്തുവന്നതിന് പിന്നാലെയാണ് നടപടി. എ. എസ്. ഐ ബിജു നേരത്തെ തന്നെ കാര്യങ്ങൾ അറിഞ്ഞിരുന്നെന്നും തടയാനാകുമായിരുന്ന ഒരു കുറ്റ കൃത്യത്തിന് അറിഞ്ഞുകൊണ്ട് കേസ് അട്ടിമറിക്കാൻ കൂട്ടുനിന്നുവെന്നും കണ്ടെത്തിയതിനെ തുടർന്നാണ് ഇരുവരെയും സസ്പെന്റ് ചെയ്തത്. കസ്റ്റഡിയിലുള്ള ഇരുവരെയും ചോദ്യം ചെയ്തുവരികയാണ്. ഇവർ കൈക്കൂലി വാങ്ങിയത് ഉൾപ്പെടെയുള്ള കാര്യങ്ങൾ അന്വേഷിച്ചുവരികയാണ്. […]
