മാടപ്പള്ളി പഞ്ചായത്തിൽ ഫയൽ പരിശോധനയ്ക്കെത്തിയ അതിഥിയെ കണ്ട് ജീവനക്കാർ ഇറങ്ങിയോടി
സ്വന്തം ലേഖകൻ കോട്ടയം: മാടപ്പള്ളി പഞ്ചായത്തിലെ തൊഴിലുറപ്പ് പദ്ധതിയുടെ ഓഫീസിൽ ഫയലുകൾക്കകത്ത് പാമ്പ്. പഞ്ചായത്ത് ഓഫീസിനോടു ചേർന്ന എൻ ആർ ഇ ജി (NREG) കേന്ദ്രത്തിലെ ഫയലുകൾക്കകത്താണ് പാമ്പിനെ കണ്ടത്. ജീവനക്കാരൻ ഫയൽ എടുക്കാൻ ശ്രമിച്ചപ്പോൾ അനക്കം കേട്ട് കൂടുതൽ പരിശോധിച്ചപ്പോഴാണ് പാമ്പിനെ കണ്ടത്. ഇതോടെ ജീവനക്കാർ പരിഭ്രാന്തിയിലായി. പഞ്ചായത്ത് സമിതി യോഗത്തിന് എത്തിയ ജനപ്രതിനിധികളും വിവിധ ആവശ്യങ്ങൾക്കായി ഓഫീസിലെത്തിയവരും മൂർഖനെ കണ്ട് ഭയപ്പാടിലായി. ബുധനാഴ്ച പകൽ പത്തു മണിയോടെയായിരുന്നു സംഭവം. ജനപ്രതിനിധികളായ നൗഫിൽ, ബിൻസൻ എന്നിവർ വിവരമറിയിച്ചതിനെ തുടർന്ന് കോട്ടയത്തെ സിവിൽ പോലീസ് […]