പണിമുടക്ക് തടഞ്ഞുള്ള ഉത്തരവ്; ഹൈക്കോടതി മാര്‍ച്ചുമായി സംയുക്ത ട്രേഡ് യൂണിയന്‍
സ്വന്തം ലേഖകൻ
തിരുവനന്തപുരം: പണിമുടക്ക് തടഞ്ഞുള്ള ഉത്തരവിനെതിരെ ഹൈകോടതി മാര്‍ച്ചുമായി സംയുക്ത ട്രേഡ് യൂണിയന്‍.
ഏപ്രില്‍ 12നാണ് മാര്‍ച്ച്‌ നടക്കുക. മാര്‍ച്ച്‌ 28, 29 ദേശീയ പണിമുടക്കില്‍ പങ്കെടുക്കാനുള്ള തൊഴിലാളികളുടെ നിയമപരമായ അവകാശത്തെ ചോദ്യം ചെയ്തുകൊണ്ട് പണിമുടക്ക് തടയുന്ന ഉത്തരവുകള്‍ കേരള ഹൈക്കോടതി പുറപ്പെടുവിക്കുകയുണ്ടായി.
Whatsapp Group 1 | Whatsapp Group 2 |Telegram Group
തൊഴിലാളികള്‍ക്ക് അവരുടെ വാദങ്ങള്‍ അവതരിപ്പിക്കാനുള്ള അവസരം നല്‍കാതെയാണ് ഹൈകോടതി പണിമുടക്ക് നിരോധന ഉത്തരവുകള്‍ പുറപ്പെടുവിച്ചിട്ടുള്ളത്.
സംഘം ചേരാനും, കൂട്ടായി വിലപേശാനും, ന്യായമായ ആവശ്യങ്ങള്‍ അംഗീകരിപ്പിക്കുന്നതിന് പണിമുടക്കുവാനുള്ള അവകാശവും തൊഴിലാളികള്‍ക്ക് നിയമപരമായി ഉറപ്പുനല്‍കുന്ന തൊഴില്‍ നിയമങ്ങള്‍ നിലനില്‍ക്കുമ്പോള്‍ തന്നെയാണ് ഈ പണിമുടക്ക് നിരോധന ഉത്തരവുകള്‍ വന്നിട്ടുള്ളതെന്ന് യൂണിയന്‍ നേതാക്കള്‍ പറഞ്ഞു.
സാങ്കേതികമായ കാര്യങ്ങള്‍ നിരത്തി പണിമുടക്ക് അവകാശം നിഷേധിക്കുന്ന ഇത്തരം ഉത്തരവുകള്‍ തൊഴിലാളികളുടെ സംഘം ചേരാനുള്ള സ്വാതന്ത്ര്യത്തെയാണ് നിഷേധിക്കുന്നത്. ഈ സാഹചര്യത്തിലാണ് പണിമുടക്കാനുള്ള തൊഴിലാളികളുടെ നിമയപരമായ അവകാശത്തെ ചോദ്യം ചെയ്യുന്ന ഉത്തരവുകള്‍ക്കെതിരെ ഏപ്രില്‍ 12 ന് തൊഴിലാളികള്‍ ഹൈക്കോടതി മാര്‍ച്ച്‌ പ്രഖ്യാപിച്ചിരിക്കുന്നത്.
മാര്‍ച്ച്‌ സി.ഐ.ടി.യു സംസ്ഥാന ജനറല്‍ സെക്രട്ടറി എളമരം കരീം എം.പി ഉദ്ഘാടനം ചെയ്യും.
