എരുമേലി – ഒഴക്കനാട് റോഡില്‍ ബൈക്കിന് കുറുകെ ചാടിവീണ് പുലി; ബൈക്ക് നിയന്ത്രണം വിട്ട് മറിഞ്ഞ് യുവാവിന് പരിക്ക്; യുവാവ് കണ്ടത് കാട്ടുപൂച്ചയെ ആയിരിക്കാമെന്ന് വനപാലകർ

എരുമേലി: ജോലി കഴിഞ്ഞു വീട്ടിലേക്ക് ബൈക്കില്‍ വരുന്നതിനിടെ റോഡിന് കുറുകെ പുലി ചാടിവീണെന്ന് യുവാവ്.

രക്ഷപ്പെടാനുള്ള വെപ്രാളത്തിനിടെ ബൈക്ക് നിയന്ത്രണം വിട്ട് മറിഞ്ഞ് യുവാവിന് നിസാര പരിക്ക്.
അതേസമയം യുവാവ് കണ്ടത് കാട്ടുപൂച്ചയെ ആയിരിക്കാമെന്ന് വനപാലകർ.

ഇന്നലെ വൈകുന്നേരം എരുമേലി – ഒഴക്കനാട് റോഡില്‍ വച്ചാണ് സംഭവം. ഒഴക്കനാട് ചെന്നയ്ക്കാട്ട് ജോജി – രേണുക ദമ്ബതികളുടെ മകൻ അഭിമന്യു (23) ആണ് ബൈക്കില്‍ വരുന്നതിനിടെ അപകടത്തില്‍പ്പെട്ടത്.

റോഡിന് നടുവിലേക്ക് എടുത്തുചാടിയ പുലി ഉടൻ ഓടി മറഞ്ഞെന്നും അഭിമന്യു പറയുന്നു.