നിരവധി മോഷണ കേസുകളിലും, വാടകയ്ക്കെടുക്കുന്ന വാഹനങ്ങൾ തമിഴ്നാട്ടിൽ കൊണ്ടുപോയി പൊളിച്ച് വിറ്റതടക്കമുള്ള കേസുകളിലും പ്രതിയായ ജോമോൻ കട്ടപ്പന പൊലീസിൻ്റെ പിടിയിലെന്ന് സൂചന

സ്വന്തം ലേഖകൻ

കട്ടപ്പന: നിരവധി മോഷണ കേസുകളിൽ പ്രതിയായ ജോമോൻ കട്ടപ്പന പൊലീസിൻ്റെ പിടിയിലായെന്ന് സൂചന

മൂവാറ്റുപുഴ, കല്ലൂർക്കാട് , പാലാ തുടങ്ങിയ സ്റ്റേഷനുകളിൽ മോഷണക്കേസും ഇത് കൂടാതെ ലോൺ ശരിയാക്കി നല്കാമെന്ന് പറഞ്ഞ് പലരേയും വഞ്ചിച്ച് പണം തട്ടിയതിനും കേസുണ്ട്.

ഇടുക്കി, കോട്ടയം ,എറണാകുളം, തൃശൂർ, ജില്ലകളിൽ നിന്ന് വാഹനങ്ങൾ വാടകയ്ക്കെടുത്ത് തമിഴ്നാട്ടിൽ കൊണ്ടുപോയി പൊളിച്ച് വിറ്റതിനും ഇയാളുടെ പേരിൽ കേസുണ്ട്.

ജോമോനെ കട്ടപ്പന ഡിവൈഎസ്പി നിഷാദ്മോനും സംഘവും പിടികൂടിയതായാണ് ലഭിക്കുന്ന സൂചന