കൂട്ടിക്കലിലുണ്ടായ ഉരുള്‍പൊട്ടലില്‍ ചലനമറ്റ് പോയ 11 പേരുടെ ജീവന് മരണവാറൻ്റ് നല്‍കിയത് രാഷ്ട്രീയക്കാര്‍; പരിസ്ഥിതിലോലവും ജൈവവൈവിധ്യമുള്ളതും സംരക്ഷിക്കപ്പെടേണ്ടതുമായ പ്രദേശത്ത് എങ്ങനെ ക്വാറി ലൈസന്‍സുകൾ നല്‍കി; എന്ത് മുന്നറിയിപ്പുകള്‍ സ്വീകരിച്ചു; ഇനിയും എത്ര പേരെ കൊന്നൊടുക്കും

സ്വന്തം ലേഖിക കോട്ടയം: മുണ്ടക്കയം കൂട്ടിക്കലിലുണ്ടായ ഉരുള്‍പൊട്ടല്‍ കവർന്നെടുത്തത് 11 പേരുടെ ജീവനാണ്. നിരവധി കുടുംബങ്ങളാണ് ആയുഷ്കാലം മുഴുവൻ സമ്പാദിച്ചതെല്ലാം കൺമുന്നിൽ ഒലിച്ചുപോകുന്നതിന് സാക്ഷ്യം വഹിച്ചത്. ഇപ്പോഴും ആ കണ്ണീരിൻ്റെ നനവ് ഉണങ്ങിയിട്ടില്ല. എന്നാൽ ആ ചലനമറ്റ് പോയ ജീവിതങ്ങൾക്ക് കാരണം രാഷ്ട്രീയക്കാരാണെന്ന ആരോപണം ശക്തമാവുകയാണ്. കണ്ണീരണിഞ്ഞ കണ്ണുകളോടെ ചാനലുകള്‍ക്ക് മുന്നിലെത്തി അഭിനയിച്ച്‌ തകര്‍ക്കുന്ന രാഷ്ട്രീയക്കാര്‍ പല ഘട്ടങ്ങളിലായി നല്‍കിയ ക്വാറി ലൈസന്‍സുകളാണ് യഥാര്‍ത്ഥത്തില്‍ ഇത്രയധികം പേരെ കൊന്നൊടുക്കിയ മരണവാറണ്ടായി മാറിയത്. കൂട്ടിക്കല്‍ പഞ്ചായത്തിലെ കൊടുങ്ങ, വല്യേന്ത പാറമടകള്‍ പ്രവര്‍ത്തിക്കുന്നത് പരിസ്ഥിതിലോലപ്രദേശത്താണെന്നും ഇവയുടെ പ്രവര്‍ത്തനം […]