മൂന്നാറിലെ മൂന്ന് റിസോർട്ടുകളുടെ പട്ടയം റദ്ദാക്കി
സ്വന്തം ലേഖകൻ ഇടുക്കി: മൂന്നാർ പള്ളിവാസലിൽ വ്യവസ്ഥകൾ ലംഘിച്ച മൂന്ന് റിസോർട്ടുകളുടെ പട്ടയം റദ്ദാക്കി. ഇടുക്കി ജില്ലാ കലക്ടറുടേതാണ് നടപടി. പ്ലംജൂഡി റിസോർട്ടിൻറെയും നിർമാണം പുരോഗമിക്കുന്ന രണ്ടു റിസോർട്ടുകളുടെയും പട്ടയമാണ് റദ്ദാക്കിയത്. പൊലീസ് സ്‌പെഷൽ ബ്രാഞ്ച് റിപ്പോർട്ടിൻറെ അടിസ്ഥാനത്തിലാണ് കലക്ടറുടെ നടപടി എന്നാണ് വിവരം. റിസോർട്ടുകളുടെ പട്ടയങ്ങൾക്കെതിരെ നേരത്തെ തന്നെ പൊതുപ്രവർത്തകർ അടക്കം പരാതി ഉയർത്തിയിരുന്നു. ഹൈകോടതിയിലും റവന്യൂ വകുപ്പിലുമടക്കം ഇതുസംബന്ധിച്ച പരാതികൾ എത്തിയിരുന്നു. പ്ലംജൂഡി റിസോർട്ടിന് സമീപം കഴിഞ്ഞവർഷം രണ്ടു തവണ പാറക്കഷ്ണങ്ങൾ ഇളകി നിലംപതിച്ചിരുന്നു.
