കുറ്റിക്കാട്ടിൽ നിന്നും മനുഷ്യന്റെ തലയോട്ടിയും എല്ലിൻ കഷ്ണവും കണ്ടെത്തി ; പൊലീസ് അന്വേഷണം ആരംഭിച്ചു

സ്വന്തം ലേഖകൻ

കാഞ്ഞങ്ങാട്: മടിക്കൈ എരിക്കുളത്ത് കുറ്റിക്കാട്ടിൽ മനുഷ്യന്റെ തലയോട്ടിയും എല്ലിൻ കഷ്ണങ്ങളും കണ്ടെത്തി. സംഭവുമായി ബന്ധപ്പെട്ട് പൊീസ് അന്വേഷണം ആരംഭിച്ചു. പൊലീസ് സർജനെത്തി വിശദമായ പരിശോധന നടത്തുമെന്ന് നീലേശ്വരം സി.ഐ കാസർകോട് ് പറഞ്ഞു.

മടിക്കൈ ഗവ: ഐ.ടി.ഐക്ക് സമീപത്തെ കുറ്റിക്കാട്ടിലാണ് തലയോട്ടിയും എല്ലിൻ കഷ്ണങ്ങളും കണ്ടെത്തിയത്. ഈ ഭാഗത്തേക്ക് പോയ വിദ്യാർത്ഥികളാണ് സംഭവം കണ്ട് പൊലീസിനെ വിവരമറിയിച്ചത്. തലയോട്ടി കണ്ടെത്തിയ സ്ഥലത്ത് അങ്ങിങ്ങായി കുറുനരിയോ നായയോ കടിച്ചു കൊണ്ടിട്ടതാണോ എന്ന് സംശയിക്കുന്ന രീതിയിൽ എല്ലിൻ കഷ്ണങ്ങളും കണ്ടെത്തിയിട്ടുണ്ട്.

അറുപതിനോടുത്ത് പ്രായമുള്ളയാളുടെതാണ് ഇതെന്ന് പൊലീസ് കുതുന്നു. നരച്ച മുടിയും തലയോട്ടടിക്കടുത്തായി ഉണ്ടായിരുന്നു. വെള്ള മുണ്ടും ചുവന്ന ചെക്ക് ഷർട്ടും സമീപത്ത് ഉണ്ടായിരുന്നു. ഒരുമാസത്തെ പഴക്കമുണ്ടെന്നാണ് കരുതുന്നത്.