വൈക്കം ടി.വി.പുരം ശ്രീരാമസ്വാമി ക്ഷേത്രത്തിലെ വിളക്ക് എഴുന്നള്ളിപ്പിനിടെ ആന ഇടഞ്ഞു ; ഇടഞ്ഞത് തോട്ടയ്ക്കാട് കുഞ്ഞുലക്ഷ്മി എന്ന ആന ; രണ്ടാം പാപ്പാനെ ആന ചവിട്ടി കൊന്നത് ചങ്ങല ഇടാൻ ശ്രമിക്കുന്നതിനിടെ ; ആനയുടെ ചവിട്ടേറ്റ് ദാരുണമായി മരിച്ച ചങ്ങനാശേരി സ്വദേശി അരവിന്ദ് പാപ്പാനായി ജോലിക്കു കയറിയത് ഒരു മാസം മുൻപ്
സ്വന്തം ലേഖകൻ വൈക്കം: വൈക്കം ടി.വി.പുരം ശ്രീരാമസ്വാമി ക്ഷേത്രത്തിലെ ഉത്സവത്തിനിടെ ആന ഇടഞ്ഞു വിളക്ക് എഴുന്നള്ളിപ്പിനിടെ ഇടഞ്ഞ ആന രണ്ടാം പാപ്പാനെ ചവിട്ടി കൊന്നു. കോട്ടയം ചങ്ങനാശേരി പാത്താമുട്ടം സ്വദേശി അരവിന്ദ്(26) ആണ് ആനയുടെ ചവിട്ടേറ്റ് ദാരുണമായി മരിച്ചത്. ബുധനാഴ്ച രാത്രി ഒൻപതു മണിയോടെയാണു സംഭവം. ചങ്ങല ഇടാൻ ശ്രമിക്കുന്നതിനിടെ രണ്ടാം പാപ്പാനെ മുൻകാലിനു തട്ടിമറിച്ചിട്ടശേഷം ചവിട്ടി കൊല്ലുകയായിരുന്നു. ഉടൻ തന്നെ വൈക്കത്തെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. ഗുരുതരമായി പരുക്കേറ്റ അരവിന്ദിനെ ക്ഷേത്ര കമ്മിറ്റി ഭാരവാഹികളും നാട്ടുകാരും ചേർന്നാണ് ആശുപത്രിയില് പ്രവേശിപ്പിച്ചത്. […]