തിങ്ങിനിറഞ്ഞ പുരുഷാരം സാക്ഷി: ആവേശച്ചൂടേറ്റി യുഡിഎഫിന്റെ തിരഞ്ഞെടുപ്പ് പ്രചാരണത്തിന് ഔദ്യോഗിക തുടക്കം
സ്വന്തം ലേഖകൻ കോട്ടയം: കഴിഞ്ഞ തവണ നേടിയ ലക്ഷങ്ങളുടെ ഭൂരിപക്ഷം ഇത്തവണയും ഇരട്ടിയാക്കുമെന്ന് പ്രഖ്യാപിച്ച് യുഡിഎഫിന്റെ ഔദ്യോഗിക തിരഞ്ഞെടുപ്പ് പ്രചാരണത്തിന് ആവേശത്തുടക്കം. കൺവൻഷൻ വേദിയിലേയ്ക്ക് എത്തിയ സ്ഥാനാർത്ഥി തോമസ് ചാഴിക്കാടനെ തോളിലെടുത്താണ് പ്രവർത്തകർ വേദിയിലേയ്ക്ക് എത്തിച്ചത്. നിറഞ്ഞ കയ്യടിയോടെ , എഴുന്നേറ്റ് നിന്നാണ് കൺവൻഷൻ വേദിയിൽ നിറഞ്ഞ് കവിഞ്ഞ ജനക്കൂട്ടം സ്ഥാനാർത്ഥിയെ സ്വീകരിച്ചത്. കൺവൻഷൻ ഉദ്ഘാടനം ചെയ്ത രമേശ് ചെന്നിത്തല വികാര നിർഭരമായ പ്രസംഗമാണ് നടത്തിയത്. തോമസ് ചാഴിക്കാടന്റെ കുടുംബവും , കോട്ടയം പാർലമെന്റ് മണ്ഡലവുമായി തനിക്കുള്ള വികാര നിർഭരമായ ബന്ധം ചെന്നിത്തല ഓർത്തെടുത്തു. […]