കളത്തിപ്പടി ഗിരിദീപം കോളജ് ഹോസ്റ്റലിൽ ഭക്ഷ്യവിഷബാധ: അൻപതോളം കുട്ടികൾ ആശുപത്രിയിൽ ; 15 പേർ നിരീക്ഷണത്തിൽ
തേർഡ് ഐ ബ്യൂറോ കോട്ടയം: കളത്തിപ്പടി ഗിരിദീപം കോളജ് ഓഫ് അഡ്വാൻസ് സ്റ്റഡീസിന്റെ ഹോസ്റ്റലിൽ ഭക്ഷ്യവിഷബാധയെ തുടർന്ന് അൻപതോളം കുട്ടികളെ ആശുപത്രിയിൽ പ്രവേശിപ്പിച്ചു. പി.ജി ബിരുദ വിദ്യാർത്ഥികളായ കുട്ടികൾക്കാണ് ഭക്ഷ്യ വിഷബാധ ഏറ്റത്. ഛർദിലും വയറിളക്കവും അനുഭവപ്പെട്ട അൻപത് കുട്ടികളാണ് കളത്തിപ്പടി വെൽഫാസ്റ്റ് ആശുപത്രിയിലും വടവാതൂർ ജെ.കെ ആശുപത്രിയിലും ചികിത്സ തേടിയത്. വ്യാഴാഴ്ച രാവിലെയോടെയായിരുന്നു സംഭവം. ബുധനാഴ്ച വൈകിട്ട് ഹോസ്റ്റലിൽ പൊറോട്ടയും ബീഫുമായിരുന്നു ഭക്ഷണം. ഭക്ഷണം കഴിച്ച ശേഷം കുട്ടികൾ കിടന്നപ്പോൾ മുതൽ അസ്വസ്ഥത അനുഭവപ്പെട്ടിരുന്നു. ഇത് സംബന്ധിച്ച് ഹോസ്റ്റൽ അധികൃതരോട് പരാതിപ്പെട്ടെങ്കിലും കാര്യമായ […]