വെസ്റ്റിന്‍ഡീസിനെതിരായ മൂന്നാം ട്വന്റി 20 മത്സരം ഇന്ന് ; ആദ്യ രണ്ടു മത്സരവും ജയിച്ച വിന്‍ഡീസ്, അഞ്ചു മത്സര പരമ്പരയില്‍ 2-0 ന് മുന്നിലാണ്
സ്വന്തം ലേഖകൻ
ബാര്‍ബഡോസ്: വെസ്റ്റിന്‍ഡീസിനെതിരായ മൂന്നാം ട്വന്റി 20 മത്സരം ഇന്ന് നടക്കും. ഗയാനയിലെ പ്രോവിഡന്‍സ് ക്രിക്കറ്റ് സ്‌റ്റേഡിയത്തില്‍ ഇന്ത്യന്‍ സമയം രാത്രി എട്ടിനാണ് മത്സരം. ആദ്യ രണ്ടു മത്സരവും ജയിച്ച വിന്‍ഡീസ്, അഞ്ചു മത്സര പരമ്പരയില്‍ 2-0 ന് മുന്നിലാണ്.
അതുകൊണ്ടു തന്നെ പരമ്പരയില്‍ തിരിച്ചുവരുന്നതിന് ഹര്‍ദിക് പാണ്ഡ്യയ്ക്കും സംഘത്തിനും ഇന്ന് ജയം അനിവാര്യമാണ്. അതേസമയം ഇന്നത്തെ മത്സരവും വിജയിച്ചാല്‍, ഏഴു വര്‍ഷത്തിന് ശേഷം വിന്‍ഡീസിന് ഇന്ത്യക്കെതിരെ ഒരു ട്വന്റി പരമ്പര സ്വന്തമാക്കാനാകും.
Whatsapp Group 1 | Whatsapp Group 2 |Telegram Group
യുവതാരങ്ങള്‍ക്ക് അവസരം നല്‍കുകയാണ് ഇന്ത്യ വിന്‍ഡീസ് പര്യടനത്തില്‍ ലക്ഷ്യമിട്ടത്. എന്നാല്‍ തുടര്‍ച്ചയായ രണ്ടു മത്സരങ്ങളിലെയും തോല്‍വി ഇന്ത്യയെ സമ്മര്‍ദ്ദത്തിലാക്കിയിട്ടുണ്ട്. സൂര്യകുമാര്‍ യാദവും സഞ്ജു സാംസണും അടങ്ങുന്ന മധ്യനിരയുടെ തുടര്‍ച്ചയായ പരാജയമാണ് ഇന്ത്യയ്ക്ക് തലവേദനയാകുന്നത്.
