വർക്കലയിൽ ട്രെയിൻ ഇടിച്ചു പരിക്കേറ്റ യുവാവ് ഗുരുതരാവസ്ഥയിൽ ; അപകടം നടന്നത് റെയിൽവേ പാളം മുറിച്ചു കടക്കുന്നതിനിടെ

തിരുവനന്തപുരം : വർക്കലയിൽ റെയില്‍വേ പാളം മുറിച്ചുകടക്കുന്നതിനിടെ യുവാവിനെ ട്രെയിൻ തട്ടി.

നെയ്യാറ്റിൻകര സ്വദേശിയായ അഖിലിനെയാണ് ട്രെയിൻ ഇടിച്ചത്. അപകടത്തിൽ ഗുരുതരമായി പരിക്കേറ്റ അഖിലിനെ വർക്കല താലൂക്ക് ആശുപത്രിയിൽ പ്രവേശിപ്പിച്ചു.

കന്യാകുമാരിയില്‍ നിന്ന് ബംഗളൂരുവിലേയ്ക്ക് പോകുന്ന ബംഗളൂരു എക്‌സ്‌പ്രസ് ആണ് യുവാവിനെ ഇടിച്ചതെന്നാണ് വിവരം.