സിവില് സര്വീസ് പരീക്ഷാ ഫലം പ്രഖ്യാപിച്ചു; ഒന്നാം റാങ്ക് ആദിത്യ ശ്രീവാസ്തവയ്ക്ക്, നാലാം റാങ്ക് മലയാളിയായ സിദ്ധാര്ത്ഥ് റാം കുമാറിന്; നിരവധി മലയാളികൾക്ക് റാങ്ക്
ന്യൂഡല്ഹി: സിവില് സർവീസ് പരീക്ഷാ ഫലം പ്രഖ്യാപിച്ചു. ലഖ്നൗ സ്വദേശി ആദിത്യ ശ്രീവാസ്തവയാണ് ഒന്നാം റാങ്ക് നേടിയത്.
സിവില് സർവീസ് പരീക്ഷയില് മലയാളികളും ഇക്കുറി മികച്ച നേട്ടം സ്വന്തമാക്കിയിട്ടുണ്ട്. നാലാം റാങ്ക് ലഭിച്ചത് മലയാളിയായ എറണാകുളം സ്വദേശി സിദ്ധാർത്ഥ് റാം കുമാറിനാണ്. അഞ്ചാം പരിശ്രമത്തിലാണ് സിദ്ധാർത്ഥ് വൻ നേട്ടം കരസ്ഥമാക്കിയത്.
കഴിഞ്ഞ തവണ 121-ാം റാങ്കായിരുന്നു സിദ്ധാർത്ഥിന് ലഭിച്ചത്. എഴുതിയ മൂന്ന് തവണയും സിദ്ധാർത്ഥ് റാങ്ക് പട്ടികയില് ഇടം പിടിച്ചിരുന്നു. അച്ഛൻ രാംകുമാർ ചിന്മയ കോളേജിലെ റിട്ടയേർഡ് പ്രിൻസിപ്പിലാണ്. സഹോദരൻ ആദർശ് കുമാർ ഹൈക്കോടതിയില് വക്കീലാണ്.
Whatsapp Group 1 | Whatsapp Group 2 |Telegram Group
ആദ്യ റാങ്കുകളില് നിരവധി മലയാളില് ഉള്പ്പെട്ടിട്ടുണ്ട്. വിഷ്ണു ശശികുമാർ (31 റാങ്ക്), അർച്ചന പി പി (40 റാങ്ക്), രമ്യ ആർ ( 45 റാങ്ക്), ബിൻ ജോ പി ജോസ് (59 റാങ്ക്), പ്രശാന്ത് എസ് (78 റാങ്ക്), ആനി ജോർജ് (93 റാങ്ക്), ജി ഹരിശങ്കർ (107 റാങ്ക്), ഫെബിൻ ജോസ് തോമസ് (133 റാങ്ക്), വിനീത് ലോഹിദാക്ഷൻ (169 റാങ്ക്), മഞ്ജുഷ ബി ജോർജ് (195 റാങ്ക്), അനുഷ പിള്ള (202 റാങ്ക്), നെവിൻ കുരുവിള തോമസ് (225 റാങ്ക്), മഞ്ഞിമ പി (235 റാങ്ക്) എന്നിവരാണ് റാങ്ക് നേടിയ മറ്റ് മലയാളികള്.
1,105 തസ്തികയിലേക്കാണ് ഇക്കൊല്ലം അപേക്ഷ ക്ഷണിച്ചിരുന്നത്. മെയ് 2023നായിരുന്ന പ്രിലിംസ് പരീക്ഷ. സെപ്റ്റംബറില് മെയിൻ പരീക്ഷ നടന്നു. മെയിൻസ് പരീക്ഷയില് വിജയിച്ചവർക്ക് ജനുവരി 2 മുതല് ഏപ്രില് 9 വരെയായിരുന്നു അഭിമുഖം.