തൊടുപുഴ-പാലാ – കോട്ടയം എസി സര്‍വീസിന് തുടക്കം കുറിച്ച്‌ പാലാ ഡിപ്പോ; ക്രമീകരിച്ചിരിക്കുന്നത് ലോ ഫ്ലോര്‍ എസി ബസ്; ആകെ എട്ട് ട്രിപ്പുകൾ

സ്വന്തം ലേഖിക

പാലാ: തൊടുപുഴ-പാലാ – കോട്ടയം എസി സര്‍വീസിനു തുടക്കം കുറിച്ച്‌ പാലാ ഡിപ്പോ.

ലോ ഫ്ലോര്‍ എസി ബസാണ് ക്രമീകരിച്ചിരിക്കുന്നത്. ഫാസ്റ്റ് പാസഞ്ചറിനേക്കാളം അല്‍പം നിരക്ക് കൂടുതല്‍ ഈടാക്കും.

രാവിലെ 6.40ന് പാലായില്‍ നിന്ന് തൊടുപുഴയ്ക്കും തിരികെ 7.55 ന് പുറപ്പെട്ട് 8.45ന് പാലായിലും 9.15ന് കോട്ടയത്തും എത്തും. ആകെ എട്ട് ട്രിപ്പുകളാണ് ഈ സര്‍വീസില്‍ ഉള്‍പ്പെടുത്തിയിരിക്കുന്നത്. രാത്രി 8.55 ന് പാലായില്‍ അവസാനിക്കും.

പാലാ വഴി
ചന്ദനയ്ക്കാംപാറയ്ക്ക് സൂപ്പര്‍ എക്‌സ്പ്രസ്
പാലാ: എരുമേലി, മണിമല, കാഞ്ഞിരപ്പള്ളി, ഈരാറ്റുപേട്ട, പാലാ പ്രദേശവാസികളുടെ മലബാര്‍ യാത്രക്ക് കൂടുതല്‍ സഹായകരമാകും വിധം എരുമേലി – ചന്ദനക്കാംപാറ സൂപ്പര്‍ എക്‌സ്പ്രസ് ബസ് സര്‍വീസ് ആരംഭിച്ചു.

സര്‍വീസ് ആരംഭിച്ചതോടെ പാലായില്‍നിന്നു വൈകുന്നേരം എറണാകുളത്തേക്ക് യാത്രാ സൗകര്യം ലഭ്യമായി. പുലര്‍ച്ചെ ഉഴവൂര്‍, മരങ്ങാട്ടുപിളളി മേഖലയില്‍ ഉള്ളവര്‍ക്ക് പാലായ്ക്ക് യാത്രാ സൗകര്യവും ഉറപ്പായി. വൈകുന്നേരം 4.30 ന് എരുമേലിയില്‍നിന്ന് ആരംഭിച്ച്‌ മണിമല, ഈരാറ്റുപേട്ട ( 5.50) പാലാ ( 6.20) എറണാകുളം ( 9.00 ) കണ്ണൂര്‍ (4.15 എ എം) പയ്യാവൂര്‍ (5.45 എ എം) വഴി ചന്ദനക്കംപാറയില്‍ രാവിലെ ഏഴിന് എത്തിച്ചേരും.

തിരികെ വൈകുന്നേരം 5.20 ന് ചന്ദനക്കംപാറയില്‍നിന്ന് എരുമേലിക്ക് പുറപ്പെടുന്ന ബസ് പയ്യാവൂര്‍ (5.45 പി.എം) ശ്രീകണ്ഠാപുരം, ചെമ്ബേരി, തളിപ്പറന്പ്, കണ്ണൂര്‍ (8 പി.എം) ഗുരുവായൂര്‍, എറണാകുളം ( 3.30 എ.എം.), പാലാ (5.30 എ.എം.), കാഞ്ഞിരപ്പള്ളി (6.30 എ.എം.), മണിമല (6.45 എ എം.) വഴി രാവിലെ 7.30 ന് എരുമേലിയില്‍ എത്തിച്ചേരും.

പുഷ്ബാക്ക് സീറ്റ് സൗകര്യമുള്ള എയര്‍ സസ്‌പെന്‍ഷന്‍ ബസാണ് സര്‍വീസിനായി ക്രമീകരിച്ചിരിക്കുന്നത്.