പ്രാക്ടിക്കൽ ഉണ്ടായിരിക്കുന്നതല്ല..! വീണ്ടും വിവാദത്തിലേയ്ക്ക് എടുത്തുചാടി രഹ്നഫാത്തിമ; യുട്യൂബിലെ ലൈംഗിക ക്ലാസ് ‘കണ്ടു പഠിച്ചത്’ ലക്ഷങ്ങൾ; മത്തിക്കറിയും, കുഞ്ഞുമക്കളെയും വിറ്റു കാശാക്കിയ രഹ്ന വീണ്ടും ഇറങ്ങിയിരിക്കുന്നത് മലയാളിയുടെ ലൈംഗിക ദാരിദ്രം തീർക്കാൻ

തേർഡ് ഐ ബ്യൂറോ

കോട്ടയം: മലയാളിയുടെ ലൈംഗിക ദാരിദ്രം തീർക്കാൻ രഹ്ന ഫാത്തിമ ആരംഭിച്ച യുട്യൂബ് ചാനലിന് വൻ റേറ്റിംങ്. അരമണിക്കൂർ നീണ്ടു നിൽക്കുന്ന വീഡിയോ ഇതുവരെ 10 കെ വ്യൂവർമാരെയാണ് നേടിയിരിക്കുന്നത്. സെപ്റ്റംബർ 17 നാണ് രഹ്ന ഫാത്തിമ തന്റെ ആദ്യ വീഡിയോ തന്റെ യുട്യൂബ് ചാനലിൽ ആഡ് ചെയ്തിരിക്കുന്നത്.

ആഴ്ചയിൽ ഒന്നു വീതം ക്ലാസ് ഉണ്ടാകുമെന്നാണ് രഹ്ന വാഗ്ദാനം ചെയ്തിരിക്കുന്നത്. 101 കെ സബ്‌സ്‌ക്രൈബേഴ്‌സ് ഉള്ള തന്റെ യുട്യൂബ് ചാനലിലൂടെയാണ് തന്റെ ലൈംഗിക വിദ്യാഭ്യാസ ക്ലാസ് രഹ്ന നടത്തുന്നത്.

കുട്ടികളുടെ മുന്നിൽ നഗ്‌നയായി നിന്ന് ശരീരത്തിൽ ചിത്രം വരപ്പിച്ച കേസിൽ ജയിലിൽ കഴിഞ്ഞ ശേഷം പുറത്തിറങ്ങിയ വിവാദ നായിക രഹ്ന ഫാത്തിമ പുതിയ യുട്യൂബ് ചാനലുമായി രംഗത്ത്. ലൈംഗിക വിദ്യാഭ്യാസത്തിനായും സംശയങ്ങൾ ദൂരീകരിക്കുന്നതിനായുമുള്ള യു.ട്യൂബ് ചാനലാണ് രഹ്ന ഫാത്തിമ ഇപ്പോൾ ആരംഭിച്ചിരിക്കുന്നത്. പ്രമുഖ സെക്സോളജിസ്റ്റ് സംശയങ്ങൾ ദൂരീകരിക്കുമെന്നും രഹ്ന തന്റെ യുട്യൂബ് ചാനലിലൂടെ വ്യക്തമാക്കുന്നു.

നേരത്തെ അടുക്കളയിൽ നഗ്‌നയായി നിന്നു മത്തിക്കറി വയ്ക്കുന്ന വീഡിയോ യുട്യൂബിൽ പോസ്റ്റ് ചൈതത് വിവാദമായിരുന്നു. ഇതിനു പിന്നാലെയാണ് കുട്ടികളെ ഉപയോഗിച്ച് നഗ്‌നശരീരത്തിൽ രഹ്ന ചിത്രം വരച്ചതും ഈ വീഡിയോ യുട്യൂബിൽ പോസ്റ്റ് ചെയ്തത്. ഇതു രണ്ടും വിവാദമായതിനു പിന്നാലെ രഹ്നയെ പോക്സോ വകുപ്പ് ചുമത്തി പൊലീസ് അറസ്റ്റ് ചെയ്തു റിമാൻഡ് ചെയ്തിരുന്നു.

ഈ കേസിൽ ജാമ്യത്തിൽ ഇറങ്ങിയ ശേഷമാണ് രഹ്നഫാത്തിമ ഇപ്പോൾ ലൈംഗിക വിദ്യാഭ്യാസത്തിനായി യുട്യൂബ് ചാനൽ ആരംഭിച്ചിരിക്കുന്നത്. നേരത്തെ ശബരിമലയിൽ സ്ത്രീ പ്രവേശനത്തിനായി സുപ്രീം കോടതി വിധി പുറത്തു വന്നതിനു പിന്നാലെ രഹ്നഫാത്തിമ ശബരിമല കയറാനെത്തിയത് വിവാദമായി മാറിയിരുന്നു. ഈ കേസിൽ മതവികാരം വ്രണപ്പെടുത്തിയെന്ന വകുപ്പ് ചുമത്തി രഹ്നയെ പൊലീസ് അറസ്റ്റ് ചെയ്യുകയും റിമാൻഡ് ചെയ്യുകയും ചെയ്തിരുന്നു.

കഴിഞ്ഞ ദിവസം രഹ്ന പോസ്റ്റ് ചെയ്ത വീഡിയോ ഇതിനോടകം തന്നെ യുട്യൂബിൽ വൈറലായി മാറിയിരുന്നു. നൂറുകണക്കിന് ആളുകളാണ് യുട്യൂബിലും രഹ്നയുടെ ഫെയ്സ്ബുക്ക് പേജിലും ഇതിനെ അനുകൂലിച്ചും പ്രതികൂലിച്ചും അസഭ്യ വർഷവുമായി രംഗത്ത് എത്തിയിരിക്കുന്നത്.