പള്ളി മുറ്റത്ത് ബൈക്ക് റേസിങ് നടത്തിയത് ചോദ്യം ചെയ്തു; പൂഞ്ഞാർ സെന്റ് മേരീസ് പള്ളിയിലെ വൈദീകനെ മർദിച്ച അക്രമികൾക്കെതിരെ കർശന നടപടി വേണം: തോമസ് ചാഴികാടൻ എംപി

സ്വന്തം ലേഖകൻ

കോട്ടയം: പൂഞ്ഞാർ സെന്റ് മേരീസ് പള്ളിയിലെ അസിസ്റ്റന്റ് വികാരി ഫാ. ജോസഫ് ആറ്റുചാലിനെതിരെ നടന്ന ആക്രമണം പ്രതിഷേധാർഹമെന്ന് തോമസ് ചാഴികാടൻ എംപി. അക്രമികൾക്കെതിരെ കർശന നടപടി വേണമെന്നും എംപി ആ വശ്യപ്പെട്ടു.

പള്ളി മുറ്റത്ത് ബൈക്ക് റേസിങ് നടത്തിയത് ചോദ്യം ചെയ്തിനാണ് വൈദീകനെ അക്രമികൾ ബൈക്കിടിച്ച് വീഴ്ത്തിയത്. ഇത്തരം സംഭവങ്ങൾ ആവർത്തിക്കാതിരിക്കാൻ അധികാരികൾ നടപടി സ്വീകരിക്കണമെന്നും തോമസ് ചാഴികാടൻ എം പി ആവശ്യപ്പെട്ടു.

പരുക്കേറ്റ് പാലായിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന വൈദീകനെ തോമസ് ചാഴികാടൻ എംപി സന്ദർശിച്ചു.