ചില്ലറയെച്ചൊല്ലി ബസിനുള്ളിൽ തർക്കം: കുമരകത്ത് യാത്രക്കാരൻ കണ്ടക്ടറെ ചോറ്റുപാത്രത്തിന് തലയ്ക്കടിച്ചു; യാത്രക്കാരനെ പൊലീസ് കസ്റ്റഡിയിൽ എടുത്തു: കണ്ടക്ടർക്ക് പരിക്ക്
സ്വന്തം ലേഖകൻ കോട്ടയം: ചില്ലറയെച്ചൊല്ലിയുണ്ടായ തർക്കത്തിനൊടുവിൽ സ്വകാര്യ ബസ് കണ്ടക്ടറെ യാത്രക്കാരൻ തലയ്ക്ക് ചോറ്റുപാത്രം വച്ച് അടിച്ചു. സാരമായി പരിക്കേറ്റ കണ്ടക്ടറെ ആശുപത്രിയിൽ പ്രവേശിപ്പിച്ചു. ബസ് യാത്രക്കാരനെ പൊലീസ് കസ്റ്റഡിയിൽ എടുത്തു. തിങ്കളാഴ്ച വൈകിട്ട് അഞ്ചരയോടെ ചേർത്തല കോട്ടയം റൂട്ടിൽ സർവീസ് നടത്തുന്ന കാർത്തിക എന്ന സ്വകാര്യ ബസിലായിരുന്നു സംഭവം. കുമരകം സ്വദേശിയായ യാത്രക്കാരൻ കവണാറ്റിൻകര ഭാഗത്തു നിന്നുമാണ് യാത്രക്കാരൻ ബസിൽ കയറിയത്. കുമരകം ഭാഗത്ത് ഇറങ്ങാനായാണ് ഇയാൾ ടിക്കറ്റ് എടുത്തത്. ടിക്കറ്റ് എടുക്കുന്നതിനു താൻ നൽകിയത് അൻപത് രൂപയാണ് എന്നാണ് യാത്രക്കാരൻ അവകാശപ്പെട്ടിരുന്നത്. […]
