Third Eye News Live

ഓണാഘോഷപരിപാടികൾ റദ്ദാക്കി; പ്രളയബാധിത പ്രദേശങ്ങളിൽ ഒരുവർഷത്തേക്ക് മൊറട്ടോറിയം

സ്വന്തം ലേഖകൻ തിരുവനന്തപുരം: സംസ്ഥാനത്തുണ്ടായ ശക്തമായ മഴക്കെടുതിയിൽ ഈ വർഷത്തെ ഓണാഘോഷ പരിപാടികൾ ഒഴിവാക്കിയെന്ന് മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു. ആഘോഷങ്ങൾക്കായി വിവിധ വകുപ്പുകൾക്ക് അനുവദിച്ച തുക ദുരിതാശ്വാസത്തിനായി വിനിയോഗിക്കുമെന്നും ദുരന്തബാധിതരെ സഹായിക്കാൻ ഏവരും ഒറ്റമനസോടെ മുന്നോട്ട് വരണമെന്നും കഴിയുന്ന വിധത്തിൽ എല്ലാവരും സഹായങ്ങൾ നൽകണമെന്നും മുഖ്യമന്ത്രി ആവശ്യപ്പെട്ടു. പ്രളയബാധിത പ്രദേശങ്ങളിൽ ഒരു വർഷത്തേക്ക് മൊറട്ടോറിയം പ്രഖ്യാപിച്ചിട്ടുണ്ടെന്ന് മുഖ്യമന്ത്രി പറഞ്ഞു. വാർത്താസമ്മേളനത്തിനിടയ്ക്ക് നടൻ മോഹൻലാൽ ദുരിതാശ്വാസ നിധിയിലേക്ക് പ്രഖ്യാപിച്ചിരുന്ന 25 ലക്ഷം രൂപയുടെ ചെക്ക് മുഖ്യമന്ത്രിക്ക് കൈമാറി. ദുരിതാശ്വാസ നിധിയിലേക്ക് കൈമാറുന്ന […]

തന്ത്രിയുടെ വഴി മുടക്കി പമ്പയിൽ പ്രളയം; നിറപുത്തരിക്കുള്ള നെൽക്കതിർ സന്നിധാനത്തെത്തിക്കാൻ സഹായം തേടി ദേവസ്വം ബോർഡ്

സ്വന്തം ലേഖകൻ പത്തനംതിട്ട : നിറപുത്തരിക്കുള്ള നെൽക്കതിർ സന്നിധാനത്തെത്തിക്കാൻ സഹായം തേടി ദേവസ്വം ബോർഡ്. നിറപുത്തരിക്കായി ഇന്ന് ശബരിമല നട തുറക്കുകയാണ്. വെള്ളപ്പൊക്കം രൂക്ഷമായതോടെ നിറപുത്തരി പൂജകൾക്കായി തന്ത്രിയെയും, പൂജകൾക്കുള്ള നെൽക്കതിരും സന്നിധാനത്ത് എത്തിക്കാനുള്ള ആലോചനയിലാണ് ദേവസ്വം അധികൃതർ. വെള്ളം ഉയർന്നതോടെ, പമ്പയും ത്രിവേണിയും പൂർണമായും വെള്ളത്തിൽ മുങ്ങി. സന്നിധാനത്തേക്കുള്ള യാത്ര വിലക്കിയിരിക്കുകയാണ് ജില്ലാ ഭരണകൂടവും പൊലീസും. എന്നാൽ നിറപുത്തരി പൂജകൾക്ക് മുടക്കമുണ്ടാകില്ലെന്ന് ദേവസ്വം അധികൃതർ വ്യക്തമാക്കി. മേൽശാന്തി സന്നിധാനത്ത് ഉള്ളതിനാൽ പൂജകൾക്ക് തടസ്സമുണ്ടാകില്ല. നിറപുത്തരി പൂജകൾക്കുള്ള നെൽക്കതിർ പുല്ലുമേട് വഴി സന്നിധാനത്ത് എത്തിക്കുന്നതിനെകുറിച്ചും […]

ബാംഗ്ലൂർ പോലീസിനെ കടത്തിവെട്ടി കേരളാ പോലീസ്: രാജ്യത്തെ ഏറ്റവും കൂടുതൽ ലൈക്കുള്ള പൊലീസ് പേജായി കേരളാ പൊലീസ്; ബോധവൽക്കരണവും ട്രോളുമൊക്കെയായി നമ്മടെ പൊലീസ് കുതിപ്പിലേക്ക്

സ്വന്തം ലേഖകൻ തിരുവനന്തപുരം: ഏറ്റവും കൂടുതൽ ഫേസ്ബുക്ക് ലൈക്കുകൾ സ്വന്തമാക്കി കേരളാ പോലീസ് ഒന്നാം സ്ഥാനത്ത്. കുറ്റാന്വേഷണ രംഗത്ത് രാജ്യത്തെ മികച്ച പൊലീസ് സേനകളിൽ ഒന്നായ കേരള പൊലീസ് ബാംഗ്ലൂർ പൊലീസിനെ കടത്തിവെട്ടിയാണ് ഒന്നാം സ്ഥാനത്തെത്തിയത്. ബാംഗ്ലൂർ സിറ്റി പൊലീസിന്റെ 6.26 ലക്ഷം ലൈക്കുകളെ മറികടന്നാണ് കേരളാ പൊലീസിന്റെ സോഷ്യൽ മീഡിയാ വിഭാഗം കുതിപ്പ് തുടരുന്നത്. 6,43000ത്തിലധികം ലൈക്കുകളുമായിട്ടാണ് സംസ്ഥാനസേനയുടെ സോഷ്യൽ മീഡിയ പേജ് കുതിച്ചുയരുന്നത്. ആശയ സംവേദനത്തിന്റെ നവ മാധ്യമ സാധ്യതകളെ പ്രയോജനപ്പെടുത്തി മെച്ചപ്പെട്ട സേവനമാണ് കേരളാ പൊലീസ് കാഴ്ചവെക്കുന്നത്. പൊലീസിലെ സോഷ്യൽ […]

നടിയെ ആക്രമിച്ച കേസ്: പൾസർ സുനി പകർത്തിയ ദൃശ്യങ്ങൾ വേണമെന്ന് ദിലീപ്; തരാനാകില്ലെന്ന് സർക്കാരും ഹൈക്കോടതിയും; ഹർജി തള്ളി

സ്വന്തം ലേഖകൻ കൊച്ചി: നടിയെ ആക്രമിച്ച കേസിൽ ദൃശ്യങ്ങൾ ആവശ്യപ്പെട്ട് നടൻ ദിലീപ് നൽകിയ ഹർജി ഹൈക്കോടതി തള്ളി. പ്രധാന പ്രതി പൾസർ സുനി പകർത്തിയ ആക്രമണ ദൃശ്യങ്ങൾ കൈമാറണമെന്നായിരുന്നു ദിലീപിന്റെ ആവശ്യം. ആക്രമിക്കപ്പെട്ട പെൺകുട്ടിയുടെ സ്വകാര്യതയെയും സുരക്ഷിതത്വത്തെയും ബാധിക്കും എന്നതിനാൽ ദൃശ്യങ്ങൾ നൽകാനാവില്ല എന്ന് സർക്കാർ നിലപാട് വ്യക്തമാക്കിയിരുന്നു. ഇത് അംഗീകരിച്ചാണ് ഹൈക്കോടതി ദിലീപിന്റെ ഹർജി തള്ളിയത്. ദൃശ്യങ്ങൾ ദിലീപിന് നൽകിയാൽ ദുരുപയോഗം ചെയ്യാൻ സാധ്യതയുണ്ടെന്നാണ് കോടതി വിലയിരുത്തിയത്. സമാന ആവശ്യം ദിലീപ് നേരത്തെ സെഷൻസ് കോടതിയിലും ഉന്നയിച്ചിരുന്നു. സെഷൻസ് കോടതി ആവശ്യം […]

സംസ്ഥാനത്ത് നാളെ മുതൽ ട്രെയിൻ സമയങ്ങളിൽ മാറ്റം

സ്വന്തം ലേഖകൻ എറണാകുളം: സംസ്ഥാനത്ത് നാളെ മുതൽ ട്രെയിൻ സമയങ്ങളിൽ മാറ്റം. എറണാകുളം ടൗൺ സ്റ്റേഷൻ വഴിയുള്ള തിരുവനന്തപുരം-ന്യൂഡൽഹി കേരള എക്സ്പ്രസിന്റെ സർവീസ് സ്ഥിരമാക്കിയും ചില ട്രെയിനുകളുടെ സമയത്തിൽ ചെറിയ മാറ്റങ്ങളോടെയും പുതിയ ട്രെയിൻ സമയക്രമം തയാറാക്കി. പുതുക്കിയ സമയക്രമം നാളെ മുതൽ നിലവിൽവരും. എറണാകുളം ജംഗ്ഷനിലെ തിരക്ക് ഒഴിവാക്കാനും ട്രെയിനിന്റെ സമയം പാലിക്കാനുമാണ് കേരളയുടെ മാറ്റം സ്ഥിരമാക്കുന്നതെന്നാണ് റെയിൽവേ അറിയിച്ചത്. നിലമ്പൂർ- എറണാകുളം, കോട്ടയം- എറണാകുളം ട്രെയിനുകൾ കൂട്ടിചേർത്ത് നിലമ്പൂർ- കോട്ടയം സർവീസാക്കുന്നതാണു മറ്റൊരു തീരുമാനം. ഇത് എറണാകുളം ജംഗ്ഷനിൽ പോകാതെ ടൗൺ […]

ഇ.പി. ജയരാജൻ മന്ത്രിയായി സത്യപ്രതിജ്ഞ ചെയ്തു

സ്വന്തം ലേഖകൻ തിരുവനന്തപുരം: ഇപി ജയരാജൻ മന്ത്രിയായി സത്യപ്രതിജ്ഞ ചെയ്തു. പത്ത് മണിക്ക് രാജ്ഭവനിൽ ആരംഭിച്ച സത്യപ്രതിജ്ഞാ ചടങ്ങിൽ ഗവർണർ പി സദാശിവം സത്യവാചകം ചൊല്ലിക്കൊടുത്തു. എൽഡിഎഫ് എംഎൽഎമാരും മന്ത്രിമാരെല്ലാം ചടങ്ങിൽ പങ്കെടുത്തു. വ്യവസായ വകുപ്പാണ് അദ്ദേഹത്തിന് ലഭിക്കുക. രാജിവെച്ച് 22 മാസത്തിനുശേഷമാണ് ജയരാജന്റെ തിരിച്ചുവരവ്. ഇതോടെ മന്ത്രിമാരുടെ എണ്ണം 20 ആവും. സത്യപ്രതിജ്ഞയ്ക്കുശേഷം ജയരാജൻകൂടി പങ്കെടുക്കുന്ന മന്ത്രിസഭായോഗമുണ്ട്. മന്ത്രിസഭയിലേക്ക് തിരിച്ചെത്തിയ ഇപി ജയരാജനെ മന്ത്രിമാരെല്ലാം അഭിനന്ദിച്ചു. 2016 ഒക്ടോബർ 14ന് രാജിവെക്കുമ്പോഴുണ്ടായിരുന്ന വ്യവസായം വാണിജ്യം, യുവജനക്ഷേമം, കായികം തുടങ്ങിയ വകുപ്പുകൾ തന്നെയാണ് ഇപി […]

കലൈഞ്ജർ യാത്രയായതിനു പിന്നാലെ ഡിഎംകെയിൽ പൊട്ടിത്തെറി

സ്വന്തം ലേഖകൻ ചെന്നൈ: കലൈഞ്ജർ യാത്രയായതിനു പിന്നാലെ ഡിഎംകെയിൽ പൊട്ടിത്തെറി. മുൻ മുഖ്യമന്ത്രിയും ഡിഎംകെ അദ്ധ്യക്ഷനുമായിരുന്ന എം. കരുണാനിധിയുടെ വിയോഗത്തോടെ ഡി.എം.കെയിൽ പൊട്ടിത്തെറി ആരംഭിച്ചു. കരുണാനിധിയുടെ മക്കളായ എം.കെ. സ്റ്റാലിനും എം.കെ. അഴഗിരിയും തമ്മിലാണ് അധികാര പിടിവലി ആരംഭിച്ചിരിക്കുന്നത്. അധികാര പിടിവലിയുടെ പ്രത്യക്ഷ സൂചനയായി സ്റ്റാലിനെതിരെ പ്രസ്താവനയുമായി അഴഗിരി രംഗത്തെത്തി. ‘യഥാർഥ അണികളെല്ലാം എനിക്ക് പിന്തുണ പ്രഖ്യാപിച്ചിട്ടുണ്ട്. കാലം എല്ലാറ്റിനും കൃത്യമായ മറുപടി നൽകും. സംഭവിച്ചു കൊണ്ടിരിക്കുന്ന കാര്യങ്ങളിൽ എനിക്ക് ദുഃഖമുണ്ട്’ എന്ന് അഴഗിരി പറഞ്ഞു.

ഇനി ഇന്ത്യയിൽ ചൈനീസ് കറൻസി; നോട്ടടി ഇനി ചൈനയിൽ

സ്വന്തം ലേഖകൻ ന്യൂഡൽഹി: ഇനി ഇന്ത്യയിൽ ചൈനീസ് കറൻസി. ഇന്ത്യൻ കറൻസി അച്ചടിക്കുന്നതിന് ചൈനയ്ക്ക് കരാർ ലഭിച്ചതായി റിപ്പോർട്ട്. ചൈനയുടെ ബാങ്ക്നോട്ട് പ്രിന്റിങ് ആൻഡ് മൈനിങ് കോർപറേഷന് ഇതു സംബന്ധിച്ച അനുമതി ലഭിച്ചു. ഇന്ത്യയ്ക്ക് പുറമെ നിരവധി ദക്ഷിണേഷ്യൻ രാജ്യങ്ങളുടെ കറൻസി അച്ചടിക്കുന്നതിനുള്ള കരാറും ചൈനയുടെ ബാങ്ക്നോട്ട് പ്രിന്റിങ് ആൻഡ് മൈനിങ് കോർപറേഷന് ലഭിച്ചതായി സൗത്ത് ചൈന മോണിങ് പോസ്റ്റ് റിപ്പോർട്ട് ചെയ്തു. സമീപ കാലം വരെ ചൈനയിൽ വിദേശരാജ്യങ്ങളുടെ നേട്ടുകൾ അച്ചടിക്കുകയില്ലായിരുന്നു. പക്ഷേ 2013ൽ മറ്റു രാജ്യങ്ങളുമായി ബന്ധം സ്ഥാപിക്കുന്നതിനായി ചൈന ബെൽറ്റ് […]

മുഖ്യമന്ത്രിയേയും മോഹൻലാലിനേയും ഫെയ്സ്ബുക്ക് പേജിലൂടെ വെല്ലുവിളിച്ച് കുപ്രസിദ്ധി നേടിയ നസീഫിനെ മയക്കുമരുന്നു കടത്തിന് പിടികൂടി

സ്വന്തം ലേഖകൻ കോഴിക്കോട്: മുഖ്യമന്ത്രി പിണറായി വിജയനേയും, മോഹൻലാലിനേയും ഫെയ്സ്ബുക്ക് പേജിലൂടെ വെല്ലുവിളിച്ച് കുപ്രസിദ്ധി നേടിയ തൃശൂർ സ്വദേശി ആക്കിലപറമ്പൻ എന്ന നസീഫ് അഷ്റഫ് മയക്കുമരുന്ന് കടത്തുന്നതിനിടെ പിടിയിലായി. നസീഫിനെയും കൂട്ടാളി പിപി നവാസിനെയുമാണ് ആലുവ എക്സൈസ് റേഞ്ച് ഇൻസ്പെക്ടർ ഇ കെ റെജിമോന്റെ നേതൃത്വത്തിലുള്ള സംഘം മയക്കുമരുന്ന് കടത്തുന്നതിനിടെ പിടികൂടിയത്. ആലുവയിൽ നിന്ന് പിടികൂടിയ ഇവരുടെ പക്കൽ നിന്നും രണ്ടര ലക്ഷം രൂപ വിലമതിക്കുന്ന ഹാഷിഷ് ആണ് പിടിച്ചെടുത്ത്. ബംഗളൂരുവിൽ നിന്നും കൊണ്ടുവന്ന ഹാഷിഷ് കൊച്ചിയിലെ ഇടനിലക്കാരന് കൈമാറാനായി കൊണ്ടുവന്നതാണെന്ന് നസീഫ് പറഞ്ഞതായി […]

ഗതികേടുകൊണ്ട് എടുത്തതാണ്, പൊറുക്കണം. ബാക്കിത്തുക ഒരു മാസത്തിനകം തിരികെ തരാം’ ; മോഷ്ടിച്ച പണത്തിന്റെ പകുതി തിരികെ നൽകി ‘സത്യസന്ധനായ കള്ളൻ’

സ്വന്തം ലേഖകൻ കോട്ടയം : ക്ഷമാപണ കുറിപ്പോടെ സത്യസന്ധനായ കള്ളൻ മോഷ്ടിച്ച പണത്തിന്റെ ഒരു വിഹിതം തിരിച്ചുനൽകി്. ബാക്കിത്തുക ഉടൻ തിരിച്ചുനൽകുമെന്നും മോഷ്ടാവ് ഉറപ്പുനൽകി. തിരിച്ചേൽപ്പിച്ച പണത്തോടൊപ്പമുള്ള കുറിപ്പിലാണ് കള്ളൻ ഇക്കാര്യം വ്യക്തമാക്കിയത്. കഴിഞ്ഞ എട്ടാം തീയതി ചേനപ്പാടി സ്വദേശി സുലൈമാന്റെ ഉടമസ്ഥതയിലുള്ള പുതുപ്പറമ്പിൽ സ്റ്റോഴ്സ് ആൻഡ് ചിക്കൻ സെന്ററിലാണു മോഷണം നടന്നത്. സുലൈമാൻ ഉച്ചയ്ക്ക് ആഹാരം കഴിക്കാൻ പോയ സമയത്തായിരുന്നു മോഷണം. മേശയുടെ ഡ്രോയിലും ബാഗിലുമായി സൂക്ഷിച്ചിരുന്ന ഇരുപതിനായിരത്തോളം രൂപയാണ് കള്ളൻ മോഷ്ടിച്ചത്. മുൻവശം പൂട്ടിയിരുന്ന കടയുടെ പിൻവശത്തെ ഓടാമ്പൽ മാറ്റിയായിരുന്നു മോഷണം. […]