സംസ്ഥാന ഭാഗ്യക്കുറിയുടെ പുതുവർഷ ബംബർ നറുക്കെടുത്തു ; നടുക്കെടുത്തത് മേയർ ആര്യ രാജേന്ദ്രൻ : ഒന്നാം സമ്മാനം ലഭിച്ച ടിക്കറ്റ് നമ്പർ അറിയാം തേർഡ് ഐ ന്യൂസ് ലൈവിലൂടെ

സ്വന്തം ലേഖകൻ

തിരുവനന്തപുരം: സംസ്ഥാന ഭാഗ്യക്കുറിയുടെ പുതുവർഷ ബംബർ നറുക്കെടുത്തു, 12കോടി സമ്മാനത്തുക XG 358753 എന്ന നമ്പരിനാണ് സമ്മാനാർഹമായത്.തലസ്ഥാനത്ത് തന്നെയാണ് ഈ ടിക്കറ്റ് വിറ്റിരിക്കുന്നത്.

ഉച്ചകഴിഞ്ഞ് രണ്ട് മണിക്ക് തിരുവനന്തപുരം ബേക്കറി ജംഗ്ഷനിലെ ഗോർക്കി ഭവനിലാണ് നറുക്കെടുപ്പ് നടന്നത്. തിരുവനന്തപുരം മേയർ ആര്യ രാജേന്ദ്രനാണ് ടിക്കറ്റ് നറുക്കെടുത്തത്. ഇത്തവണ അച്ചടിച്ച 33 ലക്ഷം പുതുവർഷ ബംബർ ടിക്കറ്റുകളും വിറ്റഴിഞ്ഞിരുന്നു.

XA, XB, XC, XD, XE, XG എന്നീ അഞ്ചു സീരീസുകളിലാണ് ടിക്കറ്റ് പുറത്തിറക്കിയിട്ടുളളത്. രണ്ടാം സമ്മാനം 50 ലക്ഷം വീതം ആറു പേർക്കാണ് ലഭിക്കുക. (മൊത്തം 3 കോടി രൂപ). മൂന്നാം സമ്മാനമായി 10 ലക്ഷം വീതം 6 പേർക്കും നാലാം സമ്മാനം 5 ലക്ഷം വീതം 6 പേർക്കും നൽകും. അഞ്ചാം സമ്മാനം ഒരു ലക്ഷം രൂപ വീതം 108 പേർക്ക് ലഭിക്കും. ഇതുകൂടാതെ 5000, 3000, 2000, 1000 എന്നിങ്ങനെ നിരവധി സമ്മാനങ്ങൾ വേറെയുമുണ്ട്.