മദ്യത്തിന് വീര്യം കൂടില്ല; പക്ഷേ വില കൂടും: ഇന്നടച്ചു നാളെ തുറക്കുമ്പോൾ മദ്യവിലയിൽ വർദ്ധനവ് ഇങ്ങനെ

സ്വന്തം ലേഖകൻ തിരുവനന്തപുരം: സംസ്ഥാനത്ത് മദദ്യത്തിനു ഇന്നു മുതൽ വീര്യം കൂടില്ല. പക്ഷേ, വില വർദ്ധിക്കും. സംസ്ഥാന സർക്കാർ വില കൂട്ടാൻ തീരുമാനിച്ചതോടെയാണ് മദ്യക്കമ്പനികൾ വില കൂട്ടിയത്. ഇന്നത്തെ അവധിയ്ക്കു ശേഷം നാളെ ബാറുകൾ തുറക്കുമ്പോൾ വില വർദ്ധനവ് നടപ്പിൽ വരും. ശനിയാഴ്ച മഹാത്മാഗാന്ധിയുടെ രക്തസാക്ഷിത്വദിനാചരണത്തിന്റെ ഭാഗമായി ബാറുകളും ബിവറേജുകളും അടച്ചിട്ടിരുന്നു. ഇതിനു ശേഷം ഞായറാഴ്ച ബിവറേജുകളിൽ വൻ തിരക്കായിരുന്നു. അടിസ്ഥാന വിലയിൽ ഏഴ് ശതമാനം വർധന വരുത്തിയതോടെ പത്തു രൂപ മുതൽ 90 രൂപ വരെയാകും മദ്യത്തിന് വില വർധിക്കുക. ഫെബ്രുവരി ഒന്നു […]

ഉമ്മൻചാണ്ടി പുതുപ്പള്ളിക്ക് ഒരു ബാധ്യത : യുവമോർച്ച : പാലകാലുങ്കൽ പാലം പുർത്തിയാകാത്തതിൽ പ്രതിഷേധം

സ്വന്തം ലേഖകൻ കോട്ടയം : വാകത്താനം – പനച്ചിക്കാട് പഞ്ചായത്തുക്കളെ തമ്മിൽ ബന്ധിപ്പിക്കാനായി 30 വർഷങ്ങൾക്ക് മുൻപ് തറക്കല്ലിട്ട് പണി തുടങ്ങിയ പാലകാലുങ്കൽ പാലം ഇപ്പോഴും പൂർത്തിയാക്കാൻ കഴിയാത്തതിന് കാരണം മുൻ മുഖ്യമന്ത്രിയും പുതുപ്പള്ളി എംഎൽഎയുമായ ഉമ്മൻചണ്ടിയുടെ കഴുവ് കേടും നിഷ്ക്രിയത്വവുമാണെന്ന് ഭാരതീയ ജനതാ യുവമോർച്ച. മൂന്ന് ദശാബ്ദമായിട്ടും തീരാത്ത പാലം പണിയുടെ പിന്നിലെ അഴിമതികൾ പുറത്ത് കൊണ്ട് വരുന്നതിനായി യുവമോർച്ച പുതുപ്പള്ളി നിയോജകമണ്ഡലം കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ പരിപാടിയിൽ യുവമോർച്ച പ്രവർത്തകർ പുഴനീന്തി പ്രതിഷേധിച്ചു. ഈ പാലം പണി നടക്കാത്തതിനാൽ ജനം […]

അമ്മയ്ക്ക് തറവാടൊരുങ്ങുന്നു..! കൊച്ചിയിൽ അമ്മയുടെ സ്വന്തം കൂട്; മോഹൻലാലും മമ്മൂട്ടിയും ചേർന്ന് അമ്മയുടെ ഓഫിസ് ഉദ്ഘാടനം ചെയ്യും

സ്വന്തം ലേഖകൻ കൊച്ചി: മലയാളത്തിലെ ഏറ്റവും സമ്പന്നമായ സംഘടനയായിട്ടു പോലും സ്വന്തമായി ഒരു ഓഫിസില്ലെന്ന പരാതി തീർക്കാൻ ഒരുമ്പെട്ടിറങ്ങി അമ്മ. അത്യാഡംബരങ്ങളുമായി കൊച്ചിയിൽ അമ്മയുടെ ഓഫിസ് പൂർത്തിയായി. മലയാള സിനിമയിലെ അഭിനേതാക്കളുടെ സംഘടനയായ ‘അമ്മ’ക്കാണ് പുതിയ ആസ്ഥാന മന്ദിരം നിർമ്മിച്ചിരിക്കുന്നത്. എറണാകുളം കലൂരാണ് മൂന്ന് നിലകളിലായി പുതിയ കെട്ടിടം ഉയർന്നിരിക്കുന്നത്. ഫെബ്രുവരി ആറിന് രാവിലെ പത്ത് മണിക്ക് മോഹൻലാലും മമ്മൂട്ടിയും ചേർന്ന് ഉദ്ഘാടനം നിർവ്വഹിക്കും. കൊവിഡ് മാനദണ്ഡങ്ങൾ പാലിച്ചുകൊണ്ട് നടത്തുന്ന ചടങ്ങിൽ നൂറ് പേർക്കാവും പ്രവേശനം. സംഘടന പ്രവർത്തനം ആരംഭിച്ച് 25 വർഷങ്ങൾ പിന്നിടുമ്പോഴാണ് […]

മെഡിക്കൽ കോളേജിലെ സെക്യൂരിറ്റി ജീവനക്കാരന്റെ അഴിഞ്ഞാട്ടം: സ്വകാര്യ സല്ലാപത്തിനായി രോഗിയുടെ കൂട്ടിരിപ്പുകാരിയ്ക്കു പേ വാർഡ് നൽകിയ സെക്യൂരിറ്റി ജീവനക്കാരനെതിരായ നടപടി ചർച്ച ചെയ്യാൻ ഇന്ന് മെഡിക്കൽ കോളേജിൽ നിർണ്ണായക യോഗം

തേർഡ് ഐ ബ്യൂറോ കോട്ടയം: മെഡിക്കൽ കോളേജ് ആശുപത്രിയിൽ രോഗിയുടെ കൂട്ടിരിപ്പുകാരിയായ യുവതിയുമായി സല്ലപിക്കുന്നതിനായി അനധികൃതമായി പേ വാർഡ് ഒപ്പിച്ചു നൽകിയ മെഡിക്കൽ കോളേജ് ആശുപത്രിയിലെ സെക്യൂരിറ്റി ജീവനക്കാരനെ കാത്തിരിക്കുന്നത് മുട്ടൻ പണി. നിലവിൽ സസ്‌പെൻഷനിലായ ഇയാൾക്കെതിരെ ഗുരുതരമായ ആരോപണങ്ങൾ  ഉയർന്ന സാഹചര്യത്തിൽ  കൂടുതൽ നടപടി ആവശ്യമുണ്ടെന്ന നിലപാടാണ് ആശുപത്രി അധികൃതർ സ്വീകരിച്ചിരിക്കുന്നത്. മുൻപും സമാന രീതിയിൽ ഇയാൾക്കെതിരെ സ്ത്രീ വിഷയത്തിൽ ആരോപണം ഉയർന്നിരുന്നു. ഈ സാഹചര്യത്തിലാണ് ഇയാൾക്കെതിരെ ഇപ്പോൾ കൂടുതൽ അന്വേഷണം നടത്തുന്നത്. ആർപ്പൂക്കര സ്വദേശിയായ ഉണ്ണി മാധവൻ എന്ന സെക്യൂരിറ്റി ജീവനക്കാരന് […]

മീനടത്ത് വഴിയോരക്കാറ്റ് ഒരുങ്ങുന്നു: ഇനി സായാഹ്നങ്ങളിൽ ഇളം വെയിലേറ്റ് കഥപറഞ്ഞിരിക്കാനൊരിടമായി

തേർഡ് ഐ ബ്യൂറോ കോട്ടയം: നാലുമണിക്കാറ്റ് മാതൃകയിൽ മീനടത്ത് വഴിയോരക്കാറ്റ് എന്ന പേരിൽ ടൂറിസം പദ്ധതിക്ക് തുടക്കമായി. നാട്ടുകാരുടെ നേതൃത്വത്തിൽ പാതയോരങ്ങൾ വൃത്തിയാക്കി. മീനടം പഞ്ചായത്ത് പ്രസിഡന്റ് മോനിച്ചൻ കിഴക്കേടം തൈ നട്ടു ഉദ്ഘാടനം ചെയ്തു. പാമ്പാടി ബ്ലോക്ക് പഞ്ചായത്ത് മെമ്പർ സിന്ധു വിശ്വൻ, മീനടം പഞ്ചായത്ത് വൈസ് പ്രസിഡന്റ് മിനി ഫിലിപ്പ്, മെമ്പർമാരായ ലാലി വർഗീസ്, റെജി ചാക്കോ, സിന്ധു റെജികുമാർ, സമിതി പ്രസിഡന്റ് ഗിരീന്ദ്രൻ പല്ലാട്ട് തുടങ്ങിയവർ സംസാരിച്ചു. ബഹുജന പങ്കാളിത്തത്തോട് കൂടി നടന്ന പരിപാടിയുടെ തുടർ പ്രവർത്തനങ്ങൾക്ക് ഒരു കമ്മറ്റി […]

മൂന്നാമത് റെയിൻ ഇന്റർനാഷണൽ നേച്ചർ ഫിലിം ഫെസ്റ്റിവൽ സമാപിച്ചു

സ്വന്തം ലേഖകൻ കോട്ടയം: മൂന്നാമത് റെയിൻ ഇന്റർനാഷണൽ നേച്ചർ ഫിലിം ഫെസ്റ്റിവൽ സമാപിച്ചു. കൊവിഡ് പ്രതിസന്ധിയെ തുടർന്നു ഓൺലൈനായാണ് പരിപാടി സംഘടിപ്പിച്ചത്. രാജ്യാന്തര തലത്തിലെ ബെസ്റ്റ് ഫീച്ചർ ഫിലിമിനുള്ള ക്രിസ്റ്റൽ എലിഫന്റ് പുരസ്‌കാരം ദി വാൾ ഓഫ് ഷാഡോ എന്ന സിനിമയ്ക്കു ലഭിച്ചു. പോളണ്ട്, ജർമ്മനി, സ്വിറ്റ്‌സർലൻഡ് സിനിമ യായ ദി വാൾ ഓഫ് ഷാഡോ സവിധാനം ചെയ്തത് എലീസ കുബാർസ്‌കയും, മോണിക്കാ ബ്രയിഡാണ് നിർമ്മാണം. ഈ വിഭാഗത്തിലെ ക്രിസ്റ്റൽ ബട്ടർ ഫ്‌ളൈ സ്‌പെഷ്യൽ മെൻഷൻ പുരസ്‌കാരം മലയാള ചിത്രം പുള്ള് സ്വന്തമാക്കി. എ.റിയാസ് […]

കോട്ടയം ജില്ലയില്‍ 511 പേര്‍ക്ക് കോവിഡ് : 503 പേർക്കും സമ്പർക്ക രോഗം

സ്വന്തം ലേഖകൻ കോട്ടയം : ജില്ലയില്‍ 511 പേര്‍ക്ക് കൂടി കോവിഡ് സ്ഥിരീകരിച്ചു. 503 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതിൽ രണ്ട് ആരോഗ്യ പ്രവർത്തകരും ഉൾപ്പെടുന്നു. സംസ്ഥാനത്തിനു പുറത്തുനിന്നെത്തിയ എട്ടു പേര്‍ രോഗബാധിതരായി. പുതിയതായി 3956 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരില്‍ 247 പുരുഷന്‍മാരും 206 സ്ത്രീകളും 58 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 71 പേര്‍ക്ക് കോവിഡ് സ്ഥിരീകരിച്ചിട്ടുണ്ട്. 424 പേര്‍ രോഗമുക്തരായി. 6128 പേരാണ് നിലവില്‍ ചികിത്സയിലുള്ളത്. ഇതുവരെ ആകെ 67570 പേര്‍ കോവിഡ് ബാധിതരായി. 61280 […]

പന്ത്രണ്ട് ലിറ്റർ വിദേശമദ്യവുമായി ചിറ്റിലഞ്ചേരി സ്വദേശി പിടിയിൽ: മദ്യം പിടികൂടിയത് ഡ്രൈഡേയിൽ വിൽപ്പനയ്ക്ക് എത്തിച്ചപ്പോൾ

ക്രൈം ഡെസ്ക് ആലത്തൂർ : അനധികൃത വിൽപ്പനക്ക് ഓട്ടോറിക്ഷയിൽ കൊണ്ടുവന്ന 12 ലിറ്റർ വിദേശമദ്യവുമായി ഒരാളെ ആലത്തൂർ പോലീസും, ജില്ലാ ലഹരി വിരുദ്ധ സ്ക്വാഡും ചേർന്ന് പിടികൂടി. ചിറ്റിലഞ്ചേരി ചെറിയക്കോഴിപ്പാടം ഷാജഹാനാണ് (46) അറസ്റ്റിലായത്. പ്രതി ചിറ്റിലഞ്ചേരി, കല്ലത്താണി ഭാഗങ്ങളിൽ വ്യാപകമായി അനധികൃത മദ്യവില്പന നടത്തുന്നുണ്ടെന്ന രഹസ്യവിവരം ലഭിച്ചതിൻ്റെ അടിസ്ഥാനത്തിൽ കോട്ടേക്കുളം ഭാഗത്ത് നടത്തിയ വാഹന പരിശോധനയിലാണ് മദ്യം പിടികൂടിയത്. പ്രതി മദ്യവില്പന നടത്തുന്നതായി വ്യാപകമായ പരാതി ലഭിച്ചിരുന്നു. ലഹരി കടത്ത് തടയുന്നതിനും , ഡ്രൈ ഡേയിൽ അനധികൃത മദ്യവില്പന തടയുന്നതിനും വേണ്ടി നടത്തിയ […]

സംസ്ഥാനത്ത് ഇന്ന് 5266 പേര്‍ക്ക് കൊവിഡ്: 21 മരണം കൊവിഡ് മൂലം

സ്വന്തം ലേഖകൻ തിരുവനന്തപുരം : സംസ്ഥാനത്ത് ഇന്ന് 5266 പേര്‍ക്ക് കൊവിഡ്-19 സ്ഥിരീകരിച്ചു. എറണാകുളം 743, കോഴിക്കോട് 650, കോട്ടയം 511, പത്തനംതിട്ട 496, കൊല്ലം 484, മലപ്പുറം 482, തൃശൂര്‍ 378, ആലപ്പുഴ 371, തിരുവനന്തപുരം 300, കണ്ണൂര്‍ 230, പാലക്കാട് 211, ഇടുക്കി 187, വയനാട് 153, കാസര്‍ഗോഡ് 70 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. യു.കെ.യില്‍ നിന്നും വന്ന ഒരാള്‍ക്കാണ് കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചത്. അടുത്തിടെ യു.കെ.യില്‍ നിന്നും വന്ന 77 പേര്‍ക്കാണ് ഇതുവരെ […]

മുഖ്യമന്ത്രിയുടെ പരിഹാര അദാലത്ത് 15 മുതൽ : പരാതികള്‍ ഫെബ്രുവരി മൂന്നു മുതല്‍ സമര്‍പ്പിക്കാം: സാന്ത്വന സ്പര്‍ശം; കോട്ടയവും കറുകച്ചാലും വൈക്കവും വേദികള്‍

സ്വന്തം ലേഖകൻ  കോട്ടയം : മുഖ്യമന്ത്രിയുടെ പരാതി പരിഹാര അദാലത്ത് സാന്ത്വന സ്പര്‍ശം-2021 ഫെബ്രുവരി 15, 16, 18 തീയതികളില്‍ കോട്ടയം ജില്ലയില്‍ നടക്കും. മന്ത്രിമാരായ പി. തിലോത്തമന്‍, കെ. കൃഷ്ണന്‍കുട്ടി, കെ.ടി. ജലീല്‍ എന്നിവര്‍ നേതൃത്വം നല്‍കും. മീനച്ചില്‍, കോട്ടയം താലൂക്കൂകളിലെ അദാലത്ത് 15ന് കോട്ടയം മാമ്മന്‍ മാപ്പിള ഹാളിലും ചങ്ങനാശേരി, കാഞ്ഞിരപ്പള്ളി താലൂക്കുകളിലേത് 16ന് കറുകച്ചാല്‍ ശ്രീനികേതന്‍ ഓഡിറ്റോറിയത്തിലും വൈക്കം താലൂക്കിലെ അദാലത്ത് 18ന് വൈക്കം നാനാടം ആതുരാശ്രമം ഓഡിറ്റോറിയത്തിലുമാണ് സംഘടിപ്പിച്ചിരിക്കുന്നത്. മീനച്ചില്‍, ചങ്ങനാശേരി താലൂക്കുകളിലെ പരാതികള്‍ നിശ്ചിത ദിവസങ്ങളില്‍ രാവിലെ […]