സുഹൃത്തുക്കള്‍ക്കൊപ്പം മണിമലയാറ്റില്‍ ഇറങ്ങിയപ്പോള്‍ കയത്തില്‍ പെട്ടു; എഞ്ചിനീയറിങ് വിദ്യാര്‍ത്ഥി മുങ്ങിമരിച്ചു

സ്വന്തം ലേഖിക

മല്ലപ്പള്ളി: സുഹൃത്തുക്കള്‍ക്കൊപ്പം മണിമലയാറ്റില്‍ ഇറങ്ങിയ എഞ്ചിനീയറിങ്ങ് വിദ്യാര്‍ത്ഥി കയത്തില്‍ പെട്ടു മുങ്ങിമരിച്ചു.

തിരുവനന്തപുരം അതിയന്നൂര്‍ നെല്ലിമൂട് കാഞ്ഞിരം നിന്ന കണ്ണാരവിള വൈശാഖത്തില്‍ വിന്‍സെന്റിന്റെയും ബിനിയുടെയും മകന്‍ വൈശാഖ് വിന്‍സെന്റാ (18) ണ് മരിച്ചത്.

കല്ലൂപ്പാറ ഐ.എച്ച്‌.ആര്‍.ഡി. എഞ്ചിനീയറിങ്ങ് കോളേജ് ഇലക്‌ട്രിക്കല്‍ വിഭാഗം ഒന്നാം വര്‍ഷ വിദ്യാര്‍ത്ഥിയായിരുന്നു.

വെള്ളിയാഴ്ച വൈകിട്ട് നാല് മണി കഴിഞ്ഞ് കല്ലൂപ്പാറ കുറഞ്ഞൂക്കടവ് തടയണയില്‍ കയറി നടക്കുമ്പോള്‍ വീഴുകയായിരുന്നു.
കൂടെയുള്ളവർ
രക്ഷിക്കാന്‍ ശ്രമിച്ചെങ്കിലും കഴിഞ്ഞില്ല.