ചോരക്കളിയായി പ്രണയം ;അതീവ ജാഗ്രത പുലർത്തണം; മുഖ്യമന്ത്രി

സ്വന്തം ലേഖകൻ

തിരുവനന്തപുരം: പ്രണയം നിരസിച്ചാല്‍ പ്രതികാര ബുദ്ധിയോടെ പെണ്‍കുട്ടികളെ നിഷ്ഠൂരമായി കൊലപ്പെടുത്തുന്ന സംഭവങ്ങള്‍ വേദനിപ്പിക്കുന്നു.

ഇത്തരം സംഭവങ്ങൾ ആവര്‍ത്തിക്കപ്പെടുന്നത് കേരളത്തിന് കളങ്കമായി മാറിയിരിക്കുകയാണ്.

സര്‍ക്കാര്‍ കണക്കുപ്രകാരം 2016മുതല്‍ ഇതുവരെ ഇത്തരം 8 കേസുകളാണ് രജിസ്​റ്റര്‍ ചെയ്തിട്ടുള്ളത്. മൂന്ന് കേസുകളിലെ പ്രതികള്‍ മരണപ്പെട്ടു.

5 കേസുകളില്‍ പ്രതികള്‍ ജയിലിലാണ്. കൗമാരക്കാരിലെ മാനസികാരോഗ്യക്കുറവാണ് പലപ്പോഴും ഇത്തരം സംഭവങ്ങള്‍ ആവര്‍ത്തിക്കാന്‍ കാരണം.

കൗമാരക്കാര്‍ക്ക് മാത്രമല്ല, മൂന്നു മക്കളുടെ അമ്മയായ പൊലീസുകാരിക്കും സഹപ്രവര്‍ത്തകന്റെ പ്രണയം നിരസിച്ചതിന്റെ പേരില്‍ ജീവന്‍ നഷ്ടമായിട്ടുണ്ട്. ഇത്തരം കാര്യത്തിൽ അതീവ ജാഗ്രത പുലർത്തണമന്ന് മുഖ്യമന്ത്രി പറഞ്ഞു