സോഷ്യല്‍ മീഡിയയില്‍ ലൈവ് നല്‍കി പാലായിൽ യുവാവിന്‍റെ ആത്മഹത്യാശ്രമം; പൊലീസ് ഇടപെട്ട് രക്ഷിച്ചു
സ്വന്തം ലേഖകൻ
പാലാ: പോലീസിന്‍റെ സമയോജിത ഇടപെടലില്‍ സോഷ്യല്‍ മീഡിയയില്‍ ലൈവ് നല്‍കി ആത്മഹത്യയ്ക്കു ശ്രമിച്ച യുവാവിന്‍റെ ജീവന്‍ രക്ഷിക്കാനായി.
ആത്മഹത്യാശ്രമം സോഷ്യല്‍ മീഡിയായില്‍ ലൈവായി കണ്ട ഒരു വ്യക്തി പാലാ പോലീസില്‍ വിളിച്ച്‌ വിവരം അറിയിക്കുകയായിരുന്നു. പോലീസ് ഉടന്‍തന്നെ യുവാവിന്‍റെ വീട്ടിലെത്തുകയും ഫയര്‍ ഫോഴ്സിന്‍റെ സഹായത്തോടെ വീട് തുറന്നു യുവാവിനെ ആശുപത്രിയിലെത്തിക്കുകയും ചെയ്തു.
വീട്ടില്‍ മറ്റാരുമില്ലാത്ത സമയത്തായിരുന്നു യുവാവിന്‍റെ ആത്മഹത്യാശ്രമം. കൈത്തണ്ട മുറിച്ച്‌ രക്തം വാര്‍ന്ന നിലയിലായിരുന്നു യുവാവ്. അപകടാവസ്ഥ തരണം ചെയ്തായി ആശുപത്രി അധികൃതര്‍ പറഞ്ഞു.
Whatsapp Group 1 | Whatsapp Group 2 |Telegram Group
