മറഞ്ഞു, മാധ്യമരംഗത്തെ മഹാരഥൻ ; പ്രമുഖ മാധ്യമപ്രവർത്തകൻ കെ.എം.റോയ് അന്തരിച്ചു

സ്വന്തം ലേഖകൻ 

കൊച്ചി: പ്രമുഖ മാധ്യമപ്രവർത്തകൻ കെ.എം.റോയ് അന്തരിച്ചു. കടവന്ത്രയിലെ വസതിയിൽ ആയിരുന്നു അന്ത്യം.പത്രപ്രവർത്തകൻ, നോവലിസ്റ്റ്, അധ്യാപകൻ എന്നീ നിലയിൽ പ്രസിദ്ധിയാർജിച്ച ബഹുമുഖ പ്രതിഭയാണ് അദ്ദേഹം. ആരാനൂറ്റാണ്ടിലേറെയായി മാധ്യമ മേഖലയിൽ സജീവ സാന്നിധ്യമായിരുന്നു.

രണ്ടു തവണ കേരള പത്രപ്രവർത്തക യൂണിയന്റെ സംസ്ഥാന പ്രസിഡന്റായിരുന്ന അദ്ദേഹം ഇന്ത്യൻ ഫെഡറേഷൻ ഓഫ് വർക്കിങ് ജേർണലിസ്റ്റ് സെക്രട്ടറി ജനറലുമായിരുന്നു.