ചേർത്തലയിൽ കാപ്പ നിയമ പ്രകാരം യുവാവിനെ അറസ്​റ്റ് ചെയ്തു

സ്വന്തം ലേഖകൻ

ചേര്‍ത്തല: കാപ്പ നിയമ പ്രകാരം ചേർത്തലയിൽ യുവാവിനെ അറസ്​റ്റ് ചെയ്തു. തെക്ക് പഞ്ചായത്ത് 12​-ാം വാര്‍ഡില്‍ കൊല്ലപ്പറമ്ബ് വീട്ടില്‍ സതീഷിനെ (കുരുട് സതീഷ്,​ 30)യാണ് കാപ്പ നിയമ പ്രകാരം അറസ്​റ്റ് ചെയ്തത്.

അര്‍ത്തുങ്കല്‍, അരൂര്‍, മാരാരിക്കുളം പൊലീസ് സ്​റ്റേഷനുകളിലായി, കൊലപാതകം, വധശ്രമം, പിടിച്ചുപറി, ഭവനഭേദനം, ലഹള, അടിപിടി എന്നിവയ്ക്ക് 14 കേസുകള്‍ നിലവിലുണ്ട്.

അര്‍ത്തുങ്കല്‍ പൊലീസ് ഇന്‍സ്‌പെക്ടര്‍ പി.ജി. മധുവിന്റെ നേതൃത്വത്തിലുള്ള സംഘമാണ് അറസ്​റ്റ് ചെയ്തത്.

സതീഷിനെ തിരുവനന്തപുരം പൂജപ്പുര സെന്‍ട്രല്‍ ജയിലിലേയ്ക്ക് മാ​റ്റി.

ജില്ലയില്‍ ക്രമസമാധാന പ്രശ്‌നങ്ങള്‍ ഉണ്ടാക്കുന്നവരുടെ ലിസ്​റ്റ് തയ്യാറാക്കിയതായും സ്ഥിരം കു​റ്റവാളികള്‍ക്കെതിരെ കാപ്പ നിയമപ്രകാരം നടപടി സ്വീകരിക്കുമെന്നും ജില്ലാ പൊലീസ് മേധാവി ജി. ജയ്‌ദേവ് പറഞ്ഞു.