കാഞ്ഞിരപ്പള്ളി പൂതക്കുഴിയിൽ ബൈക്കുകൾ തമ്മിൽ കൂട്ടിയിടിച്ച് അപകടം ; അപകടത്തിൽ ഇടക്കുന്നം സ്വദേശിയായ യുവാവിന് ദാരുണാന്ത്യം ; അപകടമുണ്ടായത് കെഎസ്ആർടിസി ബസിനെ മറികടക്കാനുള്ള ശ്രമത്തിനിടെ

സ്വന്തം ലേഖകൻ

കാഞ്ഞിരപ്പള്ളി : പൂതക്കുഴിയിൽ ബൈക്കുകൾ തമ്മിൽ കൂട്ടിയിടിച്ച് ഉണ്ടായ അപകടത്തെ തുടർന്ന് ബസനടിയിലേയ്ക്ക് തെറിച്ച് വീണ യുവാവ് മരിച്ചു.

ഇടക്കുന്നം മുക്കാലി തോക്കനാട്ട് ആൽബിൻ തോമസ് (23) ആണ് മരിച്ചത്. അപകടത്തിൽ എതിർ വാഹനത്തിൽ സഞ്ചരിച്ചിരുന്ന കാഞ്ഞിരപ്പള്ളി സ്വദേശിയായ സാജിദിനും പരിക്കേറ്റു.

രാത്രി ഏഴോടെയായിരുന്നു അപകടം. കെഎസ്ആർടിസി ബസിനെ മറികടക്കാനുള്ള ശ്രമത്തിനിടെ ആൽബിൻ സഞ്ചരിച്ചിരുന്ന ബൈക്ക് എതിരെ വന്ന മറ്റൊരു ബൈക്കുമായി കൂട്ടിയിടിച്ചശേഷം ബസിനടിയിലേയ്ക്ക് വീഴുകയായിരുന്നു.