തിരുവനന്തപുരത്ത് പോലീസിനെതിരെ കഞ്ചാവ് മാഫിയയുടെ ആക്രമണം; ജീപ്പ് അടിച്ചു തകർത്തു, പെട്രോൾ ബോംബ് എറിഞ്ഞു; പോലീസുകാരന് പരിക്ക്

സ്വന്തം ലേഖകൻ 

തിരുവനന്തപുരം: കോട്ടൂരിൽ പോലീസിനെതിരെ കഞ്ചാവ് മാഫിയയുടെ ആക്രമണം. പോലീസിന് നേരെ പെട്രോൾ ബോംബ് എറിഞ്ഞ സംഘം പോലീസ് ജീപ്പ് പൂർണമായും അടിച്ചുതകർത്തു. ആക്രമണത്തിൽ സിപിഒ ടിനോ ജോസഫിന് പരിക്കേറ്റു.

ഇന്ന് പുലർച്ചെ മൂന്ന് മണിയോടെയാണ് സംഭവം. പ്രദേശത്ത് കഞ്ചാവ് മാഫിയ പ്രവർത്തിക്കുന്നതായി ലഭിച്ച വിവരത്തിന്റെ അടിസ്ഥാനത്തിൽ അന്വേഷണത്തിന് എത്തിയ നെയ്യാർ പോലീസിന് നേർക്കാണ് ആക്രമണം. കുറ്റിച്ചൽ നെല്ലിക്കുന്ന് കോളനിയിൽ പോലീസ് എത്തിയ ഉടനെ കഞ്ചാവ് മാഫിയ സംഘടിതമായി ആക്രമിക്കുകയായിരുന്നു.

ഒ​രു എ​എ​സ്ഐ​യും ര​ണ്ട് പോ​ലീ​സു​കാ​രും അ​ട​ങ്ങു​ന്ന സം​ഘം കോ​ട്ടൂ​രി​ന് സ​മീ​പം വ്‌​ളാ​വെ​ട്ടി നെ​ല്ലി​ക്കു​ന്നി​ൽ പ​ട്രോ​ളിം​ഗ് ന​ട​ക്കു​ന്ന​തി​നി​ടെ മൂ​ന്ന് ബൈ​ക്കു​ക​ളി​ലാ​യി 10 പേ​ർ അ​ട​ങ്ങു​ന്ന സം​ഘം പോ​ലീ​സ് ജീ​പ്പി​നെ പി​ന്തു​ട​ർ​ന്നു. ഇ​വ​രു​ടെ ക​യ്യി​ൽ വ​ടി​വാ​ൾ ഉ​ൾ​പ്പ​ടെ​യു​ള്ള മാ​ര​കാ​യു​ധ​ങ്ങ​ളും പെ​ട്രോ​ൾ ബോം​ബും ഉ​ണ്ടാ​യി​രു​ന്നു. തു​ട​ർ​ന്ന് സം​ഘ​ത്തി​ൻറെ സം​ഖ്യ കൂ​ടു​ക​യും അ​ഞ്ച് ബൈ​ക്കു​ക​ളി​ലാ​യി 20 പേ​ർ അ​ട​ങ്ങു​ന്ന സം​ഘം എ​ത്തി.

കാ​ട്ടാ​ക്ക​ട സ​ബ്ഡി​വി​ഷ​നി​ലെ മു​ഴു​വ​ൻ സ്‌​റ്റേ​ഷ​നി​ലെ പോ​ലീ​സു​കാ​രും ഈ ​സം​ഘ​ത്തെ പി​ടി​ക്കാ​ൻ എ​ത്തു​ക​യും ചെ​യ്ത വി​വ​ര​മ​റി​ഞ്ഞാ​ണ് ക​ഞ്ചാ​വ് സം​ഘം ബൈ​ക്കു​ക​ളി​ൽ എ​ത്തി​യ​ത്. ഇ​വ​ർ ആ​ദ്യം ക​ല്ലേ​റ് ന​ട​ത്തി. തു​ട​ർ​ന്ന് പെ​ട്രോ​ൾ ബോം​ബെ​റി​ഞ്ഞു. ഇ​തി​നി​ടെ അ​ക്ര​മി​ക​ൾ പോ​ലീ​സു​കാ​ർ​ക്ക് നേ​രെ വ​ടി​വാ​ൾ വീ​ശു​ക​യും ചെ​യ്തു. മ​ല​യി​ൻ​കീ​ഴ് സ്‌​റ്റേ​ഷ​നി​ലെ ജീ​പ്പ് ക​ല്ലേ​റി​ൽ ത​ക​ർ​ന്നു.

വി​വി​ധ സ്‌​റ്റേ​ഷ​നു​ക​ളി​ലെ പോ​ലീ​സു​കാ​ർ ഈ ​സം​ഘ​ത്തെ വ​ള​ഞ്ഞ​തോ​ടെ വീ​ണ്ടും പെ​ട്രോ​ൾ ബോം​ബെ​റി​ഞ്ഞ് സം​ഘം കാ​ട്ടി​ൽ ഓ​ടി​ക്ക​യ​റി ര​ക്ഷ​പ്പെ​ട്ടു. 5 ബൈ​ക്കു​ക​ൾ പോ​ലീ​സ് പി​ടി​ച്ചെ​ടു​ത്തു.

പ്ര​തി​ക​ൾ കോ​ട്ടൂ​ർ കാ​ട്ടി​ൽ ഒ​ളി​ച്ചി​രി​ക്കു​കയാണ്. ഇ​വ​രെ പി​ടി​ക്കു​ന്ന​തി​നാ​യി കാ​ട്ടാ​ക്ക​ട, നെ​യ്യാ​റ്റി​ൻ​ക​ര സ​ബ്ഡി​വി​ഷ​നി​ലെ പോ​ലീ​സ് സം​ഘം വ​ന​ത്തി​നു​ള്ളി​ൽ പ​രി​ശോ​ധ​ന ന​ട​ത്തു​ക​യാ​ണ്. ഇ​വ​രെ സ​ഹാ​യി​ക്കാ​ൻ വ​നം വ​കു​പ്പും എ​ത്തി​യി​ട്ടു​ണ്ട്.

കോ​ട്ടൂ​രി​ൽ ക​ഞ്ചാ​വ് ക​ച്ച​വ​ടം വ​ൻ തോ​തി​ൽ ന​ട​ക്കു​ന്ന​താ​യി വി​വ​രം ല​ഭി​ച്ച​തി​നെ തു​ട​ർ​ന്ന് പോ​ലീ​സ് നെ​ല്ലി​ക്കു​ന്ന് കോ​ള​നി​യി​ലെ അ​ഖി​ൽ എ​ന്ന​യാ​ളെ ക​ഴി​ഞ്ഞ ദി​വ​സം പി​ടി​കൂ​ടി ജ​യി​ലാ​ക്കി​യി​രു​ന്നു. ഇ​തി​ൽ വൈ​രാ​ഗ്യം പൂ​ണ്ടാ​കാം പോ​ലീ​സ് സം​ഘ​ത്തി​നു​നേ​രെ ആ​ക്ര​മ​ണം അ​ഴി​ച്ചു​വി​ട്ട​ത് എ​ന്ന് പോ​ലീ​സ് ക​രു​തു​ന്നു.