സിപിഎം പ്രവര്‍ത്തകൻ എല്‍ഡിഎഫ് ബൂത്ത് കമ്മിറ്റി ഓഫീസില്‍ തൂങ്ങിമരിച്ചു; ആത്മഹത്യ ചെയ്തത് സിഐടിയു അംഗമായ അനില്‍ കുമാര്‍

ആലപ്പുഴ: ആലപ്പുഴയില്‍ സിപിഎം പ്രവർത്തകനെ എല്‍ഡിഎഫ് തിരഞ്ഞെടുപ്പ് ബൂത്ത് കമ്മിറ്റി ഓഫിസില്‍ തൂങ്ങിമരിച്ച നിലയില്‍ കണ്ടെത്തി.

ആലപ്പുഴ എഎൻ പുരം വിളഞ്ഞൂർ ദേവസ്വം പറമ്പ് അനില്‍കുമാർ (50) ആണ് മരിച്ചത്. സിഐടിയു അംഗമാണ് അനില്‍കുമാർ.

ചൊവ്വാഴ്ച ഉച്ചയോടെയാണ് എഎൻ പുരം വിളഞ്ഞൂർ ക്ഷേത്രത്തിനു വടക്കുവശത്തുള്ള ബൂത്ത് കമ്മിറ്റി ഓഫിസില്‍ മരിച്ച നിലയില്‍ കണ്ടെത്തിയത്.

മൃതദേഹം പോസ്റ്റ്‌മോർട്ടത്തിനായി വണ്ടാനം മെഡിക്കല്‍ കോളജ് ആശുപത്രിയിലേക്കു മാറ്റി. സംസ്‌കാരം ബുധനാഴ്ച. സിന്ധുവാണ് അനില്‍കുമാറിന്റെ ഭാര്യ
മക്കള്‍: ആതിര, ആരതി