കറുകച്ചാലിലെ ഷാപ്പിലേക്ക് കള്ളുമായി പോയ പിക്അപ്പ് വാനിൽ ലോറിയിടിച്ചു; ഡ്രൈവർക്ക് പരിക്ക്
സ്വന്തം ലേഖിക കറുകച്ചാല്: വാഴൂര് റോഡില് മൂലേപ്പീടികയില് കള്ളുമായി പോയ പിക്അപ്പ് വാനിൽ ലോറിയിടിച്ചു. ഡ്രൈവര് നിസ്സാര പരിക്കുകളോടെ രക്ഷപ്പെട്ടു. ചൊവ്വാഴ്ച ഉച്ചക്ക് മൂലേപ്പീടിക കവലയിലായിരുന്നു അപകടം. വാഴൂര് ഭാഗത്തുനിന്ന് മാന്തുരുത്തി ഷാപ്പിലേക്ക് കള്ളുമായി പോയ പിക്അപ്പില് ചങ്ങനാശ്ശേരിയില് നിന്ന് വാഴൂരിലേക്ക് വന്ന ലോറി ഇടിക്കുകയായിരുന്നു. ഇരുവാഹനങ്ങളും ഭാഗികമായി തകര്ന്നു. പിക്അപ്പിൻ്റെ കാബിനടക്കം തകര്ന്നതോടെ ഡ്രൈവര്ക്ക് പരിക്കേറ്റു. അപകടത്തെ തുടര്ന്ന് 20 മിനിറ്റോളം ഗതാഗതം മുടങ്ങി.