പിടികൂടാൻ ശ്രമിക്കുന്നതിനിടെ ആക്രമണം; ഗുണ്ടാ നേതാവ് ജാങ്കോ കുമാറിൻ്റെ കുത്തേറ്റ് എസ്‌ഐമാര്‍ക്ക് പരിക്ക്
സ്വന്തം ലേഖിക തിരുവനന്തപുരം: തിരുവനന്തപുരം വലിയതുറയില്‍ പൊലീസുകാര്‍ക്ക് നേരെ ഗുണ്ടാ നേതാവിന്‍റെ ആക്രമണം. വലിയതുറയിലെ രണ്ട് എസ് ഐമാക്കാണ് ഗുണ്ടയുടെ കുത്തേറ്റത്. തലസ്ഥാനത്തെ ഗുണ്ടാ നേതാവായ ജാങ്കോ കുമാറാണ് രണ്ട് എസ്‌ഐമാരെ കുത്തിയത്. ജാങ്കോയെ കീഴ്പ്പെടുത്താൻ ശ്രമിക്കുന്നതിനിടെയാണ് പൊലീസുകാര്‍ക്ക് കുത്തേറ്റത്. മൂന്ന് ദിവസം മുൻപാണ് ജാങ്കോ കുമാര്‍ ജയിലില്‍ നിന്ന് ഇറങ്ങിയത്. ഉച്ചക്ക് ഇയാള്‍ ഒരു ഹോട്ടല്‍ ഉടമയെയും ആക്രമിച്ചിരുന്നു.
