കെഎസ്ആർടിസി ഡിപ്പോകളിലെ മദ്യവില്പന; ആലോചന നടന്നിട്ടില്ലെന്ന് എക്സൈസ് മന്ത്രി എം.വി.ഗോവിന്ദൻ; നിലവിൽ നടക്കുന്ന ചർച്ചകൾ അപ്രസക്തം; വിഷയത്തിൽ ഏകപക്ഷീയമായ തീരുമാനമുണ്ടാകില്ലെന്ന് മന്ത്രി
സ്വന്തം ലേഖകൻ
തിരുവനന്തപുരം: കെഎസ്ആർടിസി ഡിപ്പോകളിൽ മദ്യവില്പന തുടങ്ങുന്നതുമായി ബന്ധപ്പെട്ട് ആലോചനകൾ പോലും നടന്നിട്ടില്ലെന്ന് എക്സൈസ് മന്ത്രി എം.വി.ഗോവിന്ദൻ. നിലവിൽ നടക്കുന്ന ചർച്ചകൾ അപ്രസക്തമാണെന്നും അദ്ദേഹം വ്യക്തമാക്കി.
വിഷയത്തിൽ ഒരു തീരുമാനവും ഉണ്ടായിട്ടില്ലെന്നും, ഇക്കാര്യത്തിൽ മാധ്യമവാർത്തകൾ മാത്രമേ തനിക്കറിയൂ എന്നും മന്ത്രി പറഞ്ഞു. വിഷയത്തിൽ ഏകപക്ഷീയമായ തീരുമാനമുണ്ടാകില്ല.
Whatsapp Group 1 | Whatsapp Group 2 |Telegram Group
തിരക്കുള്ള പ്രദേശങ്ങളിൽ നിന്നും മദ്യശാലകൾ മാറ്റി സ്ഥാപിക്കണമെന്ന് കോടതി നിർദ്ദേശിച്ചിരുന്നു. അതിനായി നടപടികൾ സ്വീകരിച്ചു വരികയാണെന്നും മന്ത്രി പറഞ്ഞു.
അതേസമയം, വിഷയത്തിൽ പ്രതികരിക്കാനില്ലെന്നാണ് എക്സൈസ് മന്ത്രി ആൻറണി രാജു പറഞ്ഞത്. അതേസമയം കെഎസ്ആർടിസി ഡിപ്പോകളിൽ മദ്യവില്പന ആരംഭിക്കുന്നുവെന്ന റിപ്പോർട്ടുകൾ പുറത്തുവന്നതിന് പിന്നാലെ മദ്യവിരുദ്ധ സമിതി എതിർപ്പുമായി രംഗത്തെത്തിയിരുന്നു.