ഏറെ നാളത്തെ പ്രണയത്തിനൊടുവിൽ വിവാഹം ; രാവിലെ എഴുന്നേറ്റപ്പോൾ ഭാര്യയെ കിടപ്പ്മുറിയിൽ കണ്ടില്ല ; തിരച്ചിലിനൊടുവിൽ പ്രിയതമയുടെ മൃതദേഹം കണ്ടെത്തിയത് സമീപത്തെ കിണറ്റിൽ നിന്ന് ;അഞ്ച് വയസ്സ് പ്രായമുള്ള പെൺകുട്ടികളെ തനിച്ചാക്കി യുവതി ആത്മഹത്യ ചെയ്തത് എന്തിന്? മുണ്ടക്കയത്തെ അഞ്ജലിയുടെ മരണത്തിൽ ദുരൂഹത…

സ്വന്തം ലേഖിക

മുണ്ടക്കയം: കോരുത്തോട് മടുക്കയിൽ യുവതിയെ കിണറ്റിൽ മരിച്ചനിലയിൽ കണ്ടെത്തിയതിൽ ദുരൂഹത. കുരുന്നുമലയിൽ പുതുപറമ്പിൽ ശ്യാമിന്റെ ഭാര്യ അഞ്ജലി(26)യെയാണ് ബുധനാഴ്ച രാവിലെ വീട്ടുമുറ്റത്തെ കിണറ്റിൽ മരിച്ചനിലയിൽ കണ്ടെത്തിയത്.സംഭവത്തിൽ പൊലീസ് വിശദമായ അന്വേഷണം തുടങ്ങി.

രാവിലെ എഴുന്നേറ്റപ്പോൾ അഞ്ജലിയെ കിടപ്പുമുറിയിൽ കണ്ടില്ലെന്നാണ് വീട്ടുകാർ പറയുന്നത്. ഭർത്താവ് വീട്ടിലും സമീപത്തും തിരച്ചിൽ നടത്തിയെങ്കിലും കണ്ടെത്താനായില്ല. ഇതിനിടെ കിണർ മൂടിയിട്ടിരുന്ന വല മാറ്റിയതായി ശ്രദ്ധയിൽപ്പെടുകയും കിണർ പരിശോധിച്ചപ്പോൾ യുവതിയെ മരിച്ചനിലയിൽ കണ്ടെത്തുകയുമായിരുന്നു. യുവതിയുടെ മൊബൈൽ ഫോൺ കാണാനില്ലെന്നും വിവരമുണ്ട്

പ്രണയിച്ച് വിവാഹം കഴിച്ചവരാണ് ശ്യാമും അഞ്ജലിയും. ദമ്പതിമാർക്ക് അഞ്ച് വയസ്സുള്ള ഇരട്ടക്കുട്ടികളുണ്ട്. മുണ്ടക്കയം പൊലീസ് സ്ഥലത്തെത്തി അന്വേഷണം ആരംഭിച്ചു.