വൈദ്യുതാഘാതമേറ്റ് യുവാവ് മരിച്ച സംഭവം; സ്ഥലമുടമകളും കെഎസ്ഇബിയും 16 ലക്ഷം നഷ്ടപരിഹാരം നല്കാന് വിധി
സ്വന്തം ലേഖകൻ കോഴിക്കോട്: കൃഷിയിടത്തിലെ കാട്ടുമൃഗങ്ങളെ തുരുത്താനായി നിര്മ്മിച്ച വൈദ്യുതി വേലിയില് നിന്ന് വൈദ്യുതാഘാതമേറ്റ് യുവാവ് മരിച്ച സംഭവത്തില് മാതാപിതാക്കള്ക്ക് 16 ലക്ഷം രൂപയും ആറ് ശതമാനം പലിശയും ചെലവും പ്രതികള് നല്കണമെന്ന് കോടതി വിധി. കേസിലെ പ്രതികളായ കട്ടിപ്പാറ ചമല് സ്വദേശികളായ ബൈജുതോമസ്, കെ.ജെ. ജോസ്, വി.വി. ജോസഫ്, കെഎസ്ഇബി എന്നിവര് തുക നല്കണമെന്നാണ് കോഴിക്കോട് രണ്ടാം അഡീഷണല് സബ്കോടതി വിധിച്ചത്. താമരശ്ശേരി കട്ടിപ്പാറ ചമല് കൃഷ്ണാലയത്തില് ദിനേശന്റെ മകന് ശ്രീനേഷിനെ(28)യാണ് 2017 ഒക്റ്റോബര് രണ്ടിന് വീടിന് സമീപമുള്ള സ്വകാര്യവ്യക്തിയുടെ കൃഷിയിടത്തില് വൈദ്യുതാഘാതമേറ്റ് […]