അ​ട​ച്ചി​ട്ട ഗേറ്റ് തള്ളിത്തുറന്ന് മുദ്രാവാക്യങ്ങളും ബഹളവുമായി വിദ്യാർഥികൾ കോ​ള​ജി​നുള്ളിലേക്ക്; പോ​ലീ​സ് വി​ല​ക്ക് ലം​ഘി​ച്ച്‌ ബ​ല​പ്ര​യോ​ഗ​ത്തി​ലൂ​ടെ ക്രി​സ്മ​സ് ആ​ഘോ​ഷം പൊടിപൊടിച്ച് കോ​ള​ജ് വി​ദ്യാ​ര്‍​ഥി​ക​ൾ

സ്വന്തം ലേഖകൻ

കാ​യം​കു​ളം: പോ​ലീ​സ് വി​ല​ക്ക് ലം​ഘി​ച്ച്‌ ബ​ല​പ്ര​യോ​ഗ​ത്തി​ലൂ​ടെ കോ​ള​ജ് വി​ദ്യാ​ര്‍​ഥി​ക​ളു​ടെ ക്രി​സ്മ​സ് ആ​ഘോ​ഷം. കാ​യം​കു​ളം എം​എ​സ്‌എം കോ​ള​ജ് വി​ദ്യാ​ര്‍​ഥി​ക​ളാ​ണ് പോ​ലീ​സി​നെ നോ​ക്കു​കു​ത്തി​യാ​ക്കി ആ​ഘോ​ഷപ​രി​പാ​ടി​ക​ള്‍ സം​ഘ​ടി​പ്പി​ച്ച​ത്.

ജി​ല്ല​യി​ലു​ണ്ടാ​യി​ട്ടു​ള്ള രാ​ഷ്ട്രീ​യ സം​ഘ​ട്ട​ന​ങ്ങ​ളു​ടെ പ​ശ്ചാ​ത്ത​ല​ത്തി​ല്‍ തു​ട​ര്‍​ന്നും പ്ര​ശ്ന​ങ്ങ​ളു​ണ്ടാ​കാ​ന്‍ സാ​ധ്യ​ത​യു​ണ്ടെ​ന്ന ഇ​ന്‍റ​ലി​ജ​ന്‍​സ് റി​പ്പോ​ര്‍​ട്ടി​ന്‍റെ അ​ടി​സ്ഥാ​ന​ത്തി​ല്‍ വി​വി​ധ​ വി​ദ്യാ​ര്‍​ഥി സം​ഘ​ട​ന​ക​ള്‍ പ്ര​വ​ര്‍​ത്തി​ക്കു​ന്ന എം​എ​സ്‌എം കോ​ള​ജി​ല്‍ ക്രി​സ്മ​സ് ആ​ഘോ​ഷ പ​രി​പാ​ടി​ക​ള്‍ ന​ട​ത്താ​ന്‍ പാ​ടി​ല്ല എ​ന്നാ​വ​ശ്യ​പ്പെ​ട്ടു കാ​യം​കു​ളം സ​ര്‍​ക്കി​ള്‍ ഇ​ന്‍​സ്പെ​ക്ട​ര്‍ കോ​ള​ജ് അ​ധി​കൃ​ത​ര്‍​ക്ക് കഴിഞ്ഞ ദിവസം ക​ത്തു ന​ല്‍​കി​യി​രു​ന്നു.

ഇതിനെത്തുടർന്ന് അ​ട​ച്ചി​ട്ട കോ​ള​ജി​ന്‍റെ മു​ന്‍​വ​ശ​ത്ത് 300 ഓ​ളം വി​ദ്യാ​ര്‍​ഥി​ക​ള്‍ ത​ടി​ച്ചു​കൂ​ടു​ക​യും കോ​ള​ജ് തു​റ​ന്ന് ആ​ഘോ​ഷം ന​ട​ത്ത​ണ​മെ​ന്ന് ആ​വ​ശ്യപെടുകയും ആയിരുന്നു.

പോ​ലീ​സി​നും കോ​ള​ജ് അ​ധി​കൃ​ത​ര്‍​ക്കു​മെ​തി​രേ മു​ദ്രാ​വാ​ക്യം വി​ളി​ക്കു​ക​യും ബ​ഹ​ളം വ​യ്ക്കു​ക​യും ചെയ്ത വി​ദ്യാ​ര്‍​ഥി​ക​ളെ കാ​ര്യ​ത്തി​ന്‍റെ ഗൗ​ര​വം പ​റ​ഞ്ഞു മ​ന​സി​ലാ​ക്കാ​ന്‍ പോ​ലീ​സ് ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ടു​ക​യാ​യി​രു​ന്നു.

ഈ ​സ​മ​യം പത്തു പോ​ലീ​സു​കാ​ര്‍ മാ​ത്ര​മാ​യി​രു​ന്നു സ്ഥ​ല​ത്തു ണ്ടാ​യി​രു​ന്ന​ത്. വ​നി​ത പോ​ലീ​സു​കാ​രും സ്ഥ​ല​ത്ത് ഇ​ല്ലാ​യി​രു​ന്നു. പോ​ലീ​സ് വി​ദ്യാ​ര്‍​ഥി​ക​ള്‍ ബ​ല​പ്ര​യോ​ഗ​ത്തി​ലു​ടെ ഗേ​റ്റ് ത​ള്ളി​ത്തു​റ​ന്ന് അ​ക​ത്ത് പ്ര​വേ​ശി​ക്കു​ക​യാ​യി​രു​ന്നു.

കോ​ള​ജി​ല്‍ ക്രി​സ്മ​സ് ആ​ഘോ​ഷം ന​ട​ത്തു​ന്ന​തി​ന് കോ​ള​ജ് അ​ധി​കൃ​ത​രു​ടെ ഭാ​ഗ​ത്തുനി​ന്നു യാ​തൊ​രു എ​തി​ര്‍​പ്പും ഉ​ണ്ടാ​യി​രു​ന്നി​ല്ലെ​ന്നും പോ​ലീ​സ് ന​ല്‍​കി​യ ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ് കോ​ള​ജ് അ​വ​ധി പ്ര​ഖ്യാ​പി​ച്ച്‌ അ​ട​ച്ചി​ട്ട​തെ​ന്നും എ​ന്നാ​ല്‍ വി​ദ്യാ​ര്‍​ഥി​ക​ള്‍ അ​ക​ത്തു ക​ട​ക്കാ​തി​രി​ക്കാ​ന്‍ പോ​ലീ​സ് മു​ന്‍​ക​രു​ത​ല്‍ സ്വീ​ക​രി​ക്കാ​ത്ത​താ​ണ് സാ​ഹ​ച​ര്യം ഇ​ങ്ങ​നെ​യാ​വാ​ന്‍ ഇ​ട​വ​രു​ത്തി​യ​തെ​ന്നും കോ​ള​ജ് അ​ധി​കൃ​ത​ര്‍ പ​റ​ഞ്ഞു.