![യുദ്ധഭൂമിയിൽ കുടുങ്ങിയ ഇന്ത്യക്കാരെ ഒഴിപ്പിക്കുന്നതിനുള്ള കേന്ദ്ര നടപടി പുരോഗമിക്കുന്നു; യുക്രെെനിൽ നിന്നുള്ള ആദ്യ സംഘം ഇന്ന് ഇന്ത്യയിലെത്തും; സംഘത്തിൽ പതിനേഴ് മലയാളികൾ യുദ്ധഭൂമിയിൽ കുടുങ്ങിയ ഇന്ത്യക്കാരെ ഒഴിപ്പിക്കുന്നതിനുള്ള കേന്ദ്ര നടപടി പുരോഗമിക്കുന്നു; യുക്രെെനിൽ നിന്നുള്ള ആദ്യ സംഘം ഇന്ന് ഇന്ത്യയിലെത്തും; സംഘത്തിൽ പതിനേഴ് മലയാളികൾ](https://i0.wp.com/thirdeyenewslive.com/storage/2022/02/ukkrine.jpg?fit=1000%2C600&ssl=1)
യുദ്ധഭൂമിയിൽ കുടുങ്ങിയ ഇന്ത്യക്കാരെ ഒഴിപ്പിക്കുന്നതിനുള്ള കേന്ദ്ര നടപടി പുരോഗമിക്കുന്നു; യുക്രെെനിൽ നിന്നുള്ള ആദ്യ സംഘം ഇന്ന് ഇന്ത്യയിലെത്തും; സംഘത്തിൽ പതിനേഴ് മലയാളികൾ
സ്വന്തം ലേഖകൻ
യുക്രൈയിൻ: യുദ്ധഭൂമിയിൽ കുടുങ്ങിയ ഇന്ത്യക്കാരെ ഒഴിപ്പിക്കുന്നതിനുള്ള കേന്ദ്ര നടപടി പുരോഗമിക്കുന്നു. യുക്രെെനിൽ നിന്നുള്ള ആദ്യ സംഘം ഇന്ന് ഇന്ത്യയിലെത്തും. ആദ്യസംഘം ഉച്ചയോടെ എത്തുമെന്നാണ് റിപ്പോർട്ടുകൾ. തിരിച്ചെത്തുന്നവരിൽ 17 മലയാളികളുമുണ്ട്. യുക്രെെനിൽ കുടുങ്ങിയ ഇന്ത്യക്കാരെ തിരികെ എത്തിക്കുന്നതിനായി കൂടുതൽ വിമാനങ്ങൾ ഇന്ന് ഡൽഹിയിൽ നിന്നും മുംബെെയിൽ നിന്നും പുറപ്പെടും.
ഡൽഹിയിൽ നിന്നും 7.30 ഓടെ റുമാനിയയിലേക്കുള്ള ആദ്യ വിമാനം പുറപ്പെട്ടു.11.30 യോടെ റുമാനിയയിൽ നിന്നുള്ള വിമാനം ഇന്ത്യയിലേക്ക് തിരിക്കും. കൂടാതെ ഡൽഹിയിൽ നിന്നും ഹംഗറിയിലേക്കുള്ള വിമാനം 9 മണിയോടെ പുറപ്പെടും. ഹംഗറിയിൽ നിന്നും 1.15 ഓടെ വിമാനം ഇന്ത്യയിലേക്ക് തിരിക്കുക എന്ന രീതിയിലാണ് സമയക്രമീകരണങ്ങൾ.
Whatsapp Group 1 | Whatsapp Group 2 |Telegram Group
വന്ദേ ഭാരത് മിഷന്റെ കീഴിലാണ് 256 സീറ്റുകളുള്ള ബോയിംഗ് 787 വിമാനങ്ങൾ സർവീസ് നടത്തുകയെന്ന് ഉദ്യോഗസ്ഥർ അറിയിച്ചു. അതേസമയം രക്ഷാദൗത്യങ്ങൾ വിലയിരുത്താനായി ഇന്ന് കേന്ദ്ര മന്ത്രിസഭായോഗം ചേരും.സുരക്ഷാകാര്യങ്ങൾ ചർച്ച ചെയ്യുന്നതിനായാണ് യോഗം ചേരുന്നത്. യുക്രെെൻ സാഹചര്യങ്ങളെ യോഗം വിലയിരുത്തും