വിവാഹമണ്ഡപത്തിൽ വരണമാല്യം ചാർത്തുന്നതിനിടയിൽ വരന്‍റെ തലയിലെ വിഗ്ഗ് അഴിഞ്ഞുവീണു; വധു ബോധം കെട്ടു വീണു
സ്വന്തം ലേഖകൻ
ഉത്തർപ്രദേശ്; വിവാഹ ദിവസം വരന്‍റെ തലയില്‍ വിഗ്ഗ് കണ്ട് വധു ബോധം കെട്ടുവീണു. ബോധം വന്നതിന് പിന്നാലെ വരന് മുടിയില്ലെന്നും വിഗ്ഗാണെന്നും തിരിച്ചറിഞ്ഞ് വിവാഹത്തില്‍ നിന്ന് പിന്മാറി വധു.
ഉത്തർപ്രദേശ് ഇറ്റാവ ജില്ലയിലെ ഭർത്തനയിലാണ് സംഭവം. ഒടുവിൽ യുവതി കല്ല്യാണത്തിൽ നിന്നും പിന്മാറുകയും ചെയ്തു. കല്യാണ ദിവസം വരൻ തലമുടിയിൽ അമിതമായി ശ്രദ്ധിക്കുകയും പരമ്പരാഗത രീതിയിലുള്ള തലപ്പാവ് ഇടയ്ക്കിടെ ശരിയാക്കുന്നത് കണ്ടതും സംശയം വർധിപ്പിച്ചു.
Whatsapp Group 1 | Whatsapp Group 2 |Telegram Group
അങ്ങനെയാണ് രഹസ്യം കണ്ടുപിടിച്ചത്. ഇതോടെ വരൻ വിഗ്ഗ് വച്ചതറിഞ്ഞ് യുവതി മണ്ഡപത്തിൽ തല കറങ്ങി വീഴുകയായിരുന്നു. ബോധം വന്നപ്പോൾ വിവാഹത്തിന് സമ്മതമല്ലെന്ന് വധു അറിയിക്കുകയും ചെയ്തു.
കഷണ്ടിയാണെന്ന് മറച്ചു വെച്ച് വിവാഹം കഴിച്ച യുവാവിനെതിരെ പൊലീസില്‍ പരാതി നല്‍കി നവ വധു. മുംബൈയിലെ മീര റോഡില്‍ താമസിക്കുന്ന യുവാവിനെതിരെയാണ് പരാതി. ചാർട്ടേഡ് അക്കൗണ്ടന്‍റ് ആയ 27കാരിയായ യുവതിയാണ് സ്വകാര്യ കമ്പിനിയില്‍ ജോലി ചെയ്യുന്ന 29കാരനായ ഭര്‍ത്താവിനെതിരെ പൊലീസില്‍ പരാതി നല്‍കിയത്.
ബീഹാറിലും അടുത്തിടെ ഇത്തരം സംഭവങ്ങൾ ഉണ്ടായിട്ടുണ്ട്. തനിക്കും ബന്ധുക്കൾക്കും ഭക്ഷണം വിളമ്പാൻ വൈകിയതിൽ പ്രതിഷേധിച്ച് വിവാഹത്തിൽ നിന്നും വരൻ പിന്മാറിയിരുന്നു. ബീഹാറിലെ പൂർണിയയിൽ ആയിരുന്നു സംഭവം.
