തൃശ്ശൂർ കോർപറേഷൻ കൗൺസിൽ യോ​ഗത്തിൽ സംഘർഷം; മേയറുടെ കസേര തട്ടിമറിച്ചിട്ടു; കയ്യേറ്റം ചെയ്യാൻ ശ്രമിച്ചെന്നും ആരോപണം

സ്വന്തം ലേഖകൻ

തൃശ്ശൂർ: തൃശ്ശൂർ കോർപറേഷൻ കൗൺസിൽ യോ​ഗത്തിൽ സംഘർഷം.
മേയറെ കയ്യേറ്റം ചെയ്യാൻ ശ്രമിച്ചതായി ആരോപണം. അംഗങ്ങൾ മേയറുടെ കസേര തട്ടിമറിച്ചിട്ടു.

അക്രമം നടത്തിയ കൗൺസിലർമാർക്കെതിരെ നടപടിയുണ്ടാകുമെന്നു മേയർ എം കെ വർഗ്ഗീസ് മാധ്യമങ്ങളോട് പറഞ്ഞു. വടക്കുന്നാഥ ക്ഷേത്രഭൂമി പിടിച്ചെടുക്കുന്നതിനെതിരെ ശക്തമായി പ്രതിഷേധിയ്ക്കുമെന്ന് ബിജെപി അറിയിച്ചു.

നിലവിൽ ബിജെപി കൗൺസിലർമാർ മേയറുടെ ചേംബറിന മുന്നിൽ ഉപരോധം നടത്തുകയാണ്. കോർപ്പറേഷൻ മാസ്റ്റർ പ്ലാൻ നടപ്പിലാക്കുമെന്ന് ഭരണപക്ഷം വ്യക്തമാക്കി.