ട്രെയിനിൽ യാത്ര ചെയ്യവേ യാത്രക്കാരന്‍റെ ഒരു ലക്ഷം രൂപ വിലമതിക്കുന്ന മൊബൈൽ ഫോൺ മോഷ്ടിച്ചു; പ്രതി കോട്ടയം റെയില്‍വേ പോലീസിൻ്റെ പിടിയിൽ

കോട്ടയം: ട്രെയിനില്‍ മോഷണം നടത്തിയ പ്രതി പിടിയില്‍.

കണ്ണൂര്‍ മെല്ലാട് പടിഞ്ഞാറെമുറി പി.എം. മൂകേഷ് (39) നെയാണ് കോട്ടയം റെയില്‍വേ പോലീസ് പിടികൂടിയത്.

ഇന്നലെ തിരുപ്പതി-കൊല്ലം എക്‌സ്പ്രസിന്‍റെ എ-വണ്‍ കോച്ചില്‍ കാട്പാടിയില്‍നിന്ന് കോട്ടയത്തേയ്ക്ക് യാത്ര ചെയ്തിരുന്ന ഒരു യാത്രക്കാരന്‍റെ ഒരു ലക്ഷം രൂപ വിലമതിക്കുന്ന ഫോണാണ് മോഷ്ടിച്ചത്.

കോട്ടയം റെയില്‍വേ സ്റ്റേഷനില്‍ ഇറങ്ങിയ ഉടന്‍തന്നെ യാത്രക്കാരന്‍ റെയില്‍വേ എസ്‌എച്ച്‌ഒ റെജി പി. ജോസഫിനെ വിവരമറിയിച്ചു. തുടര്‍ന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്. കോടതിയില്‍ ഹാജരാക്കിയ ഇയാളെ റിമാൻഡ് ചെയ്തു.