തിരുനക്കരയിൽ ഇന്ന് കഥകളി മഹോത്സവത്തിന് കളിവിളക്ക് തെളിയും: ഇന്നത്തെ കഥ: തോരണ യുദ്ധം.

സ്വന്തം ലേഖകൻ
കോട്ടയം: തിരുനക്കര ശ്രീ മഹാദേവ ക്ഷേത്രത്തിൽ ഇന്ന് അഞ്ചാം ഉത്സവം. രാവിലെ 7ന് ശ്രീബലി എഴുന്നെള്ളിപ്പ് നടന്നു. നാദസ്വരം – ഏറ്റുമാനൂർ ശ്രീകാന്ത്, തിരുവാർപ്പ് ഗണേശ്, കോട്ടയം റനീഷിൻ്റേയും സംഘത്തിൻ്റെയും സ്പെഷ്യൽ പഞ്ചവാദ്യവും ഉണ്ടായിരുന്നു.

10.30 -ന് ആനയൂട്ട് നടക്കും. തന്ത്രി മുഖ്യൻ താഴമൺ മഠം കണ്ഠരര് മോഹനര് കാർമികത്വം വഹിക്കും.

ശിവശക്തി കലാവേദിയിൽ വൈകുന്നേരം 5.30ന് തിരുനക്കര എൻഎസ്എസ് കരയോഗത്തിൻ്റെ തിരുവാതിര, 6ന് കാഴ്‌ചശ്രീബലി, വിളക്കിത്തല നായർ സമാജത്തിൻ്റെ താലപ്പൊലി ഘോഷയാത്ര,

8.30ന് ആകാശ് കൃഷ്ണ കുമാരനല്ലൂർ നയിക്കുന്ന മെഗാ ഫ്യൂഷൻ- സംഗീതനിശ എന്നിവ നടക്കും. രാത്രി 10ന് കഥകളി മഹോത്സവത്തിന് തുടക്കം കുറിക്കും. ഇന്ന് കഥ: തോരണയുദ്ധം. കളിവിളക്ക് തെളിയിക്കൽ പി.കെ.ജയചന്ദ്രൻ നിർവഹിക്കും.